Синоптиктер алдағы күндерге арналған ауа райы болжамын жариялады, - деп хабарлайды Massaget.kz тілшісі.
13-14 ақпанда фронтальды бөлімдер өтуіне байланысты Қазақстанның басым бөлігінде ауа райы тұрақсыз болады. Жаңбыр мен қар жауады. Солтүстік өңірлерде қатты қар жауады, бұрқасын, көктайғақ құбылыстары күтіледі. Сондай-ақ, ауа температурасы батыста 5 градус аяз, 5 градус жылыға дейін, солтүстік, орталық шығыс өңірлерде 5 градус аяз, 2 градус жылы температураға дейін көтіріледі.
"15 ақпанда циклон Қазақстан аумағынан жылжып, оның соңынан арктикалық антициклон енеді, осылайша республиканың солтүстік жартысында аяз болады. Еліміздің батысында, солтүстік-батысында және солтүстігінде 15 ақпанда ауа температурасы түнде 22-32 градус, күндіз 15-27 градус аязға дейін төмендейді. Еліміздің қалған аумағында күрт өзгерістер болмайды", - деп жазылған хабарламада.
Өзекті жаңалықтарды өз уақытында оқу үшін Facebook парақшамызға жазылыңыз!