"Қазгидромет" РМК синоптиктері ертең, 6 ақпанда елдің 13 өңірінде қолайсыз ауа райына байланысты ескерту жасады, - деп хабарлайды Massaget.kz тілшісі.
Қостанай облысының оңтүстігінде, солтүстігінде, шығысында тұман түседі.
Астанада жаяу бұрқасын. Оңтүстіктен жел соғады, түнде және таңертең екпіні секуында 15-20 метрге жетеді.
Маңғыстау облысының батысында, солтүстігінде көктайғақ, тұман. Оңтүстік-батыстан, батыстан жел соғады, күндіз күші 15-20, облыстың батысында, орталығында кей уақыттарда екпіні - 23-28 м/с.
Қызылорда облысының батысында, солтүстігінде, орталығында күндіз көктайғақ болады. Облыстың орталығында, оңтүстігінде тұман түседі. Жел оңтүстік-батыстан, оңтүстіктен соғады, облыстың батысында, солтүстігінде, орталығында күндіз күші - 15-20 м/с.
Атырау облысының солтүстігінде жауын-шашын (жаңбыр, қар) мол түседі. Облыстың солтүстігінде, шығысында жаяу бұрқасын, көктайғақ. Оңтүстік-батыстан солтүстік-батысқа ауысып жел соғады, күндіз екпіні 15-20, ал облыстың оңтүстік-шығысында секундына 23-28 метрге дейін жетеді.
Ақмола облысының батысында, солтүстігінде, оңтүстігінде бұрқасын, көктайғақ. Оңтүстіктен жел соғады, екпіні 15-20 м/с болады.
Батыс Қазақстан облысының оңтүстігінде, шығысында жауын-шашын (көбінесе қар) мол түседі. Облыстың батысында, оңтүстігінде, шығысында жаяу бұрқасын, ал облыстың батысында, солтүстігінде, шығысында тұман, көктайғақ болады. Жел оңтүстік-батыстан солтүстік-батысқа ауысып соғады, облыстың батысында, оңтүстігінде, шығысында екпіні секундына 15-20 метрге жетеді.
Түркістан облысының солтүстігінде, батысында, таулы аудандарында тұман түседі. Оңтүстіктен, оңүстік-батыстан жел соғады, күндіз облыстың солтүстігінде, таулы аудандарында күші - 15-20 м/с.
Ақтөбе облысының батысында, солтүстігінде қалың қар түседі. Түнде облыстың батысында, солтүстігінде, шығысында, күндіз облыстың батысында, солтүстігінде жаяу бұрқасын, көктайғақ болады. Оңтүстіктен, оңтүстік-шығыстан жел соғады, облыстың батысында, солтүстігінде, орталығында екпіні секундына 15-20 метрге жетеді.
Қостанай облысында жауын-шашын (көбінесе қар), бұрқасын, көктайғақ болады. Оңтүстіктен, оңтүстік-батыстан жел соғады, екпіні - 15-20 м/с.
Ұлытау облысының оңтүстігінде тұман түседі. Оңтүстік-шығыстан жел соғады, облыстың солтүстігінде, шығысында екпіні секундына 15-20 метрге жетеді.
Қарағанды облысының оңтүстігінде, шығысында тұман түседі.
Солтүстік Қазақстан облысында жауын-шашын (көбінесе қар) түседі. Түнде облыстың басым бөлігінде, күндіз облыстың оңтүстік-батысында, шығысында бұрқасын, көктайғақ болады. Оңтүстік-батыстан жел соғады, күші 15-20, түнде екпіні секундына 23-28 метрге жетеді.
Өзекті жаңалықтарды өз уақытында оқу үшін Facebook парақшамызға жазылыңыз!