Қазақстанда республикалық маңызы бар жолдың бәріндегі шектеу алынып тасталды, - деп хабарлайды Massaget.kz тілшісі.
Бұл туралы "ҚазАвтоЖол"-дың баспасөз қызметі хабарлады.
"Барлық бағыт бойынша республикалық маңызы бар автожолдарда шектеулер алынды", - делінген хабарламада.
2 ақпанда күндіз қолайсыз ауа райы мен бұрқасынның салдарынан еліміздің үш облысында республикалық маңызы бар төрт жол жабылған еді.
Айта кетейік, жол қызметкерлері қыс басталғалы 650 автокөлікті қар құрсауынан шығарып, 800-ге жуық адамды эвакуациялаған.
Instagram парақшамызға жазылып, ең қызықты ақпараттарды бірінші болып оқыңыз!