Ащы сусын атамыздан қалған ас емес. Оны 1865 жылы 31 қаңтарда Менделеев ойлап тапқан. Содан бері арақты игілікке емес, қиғылыққа пайдаланғандар көп. Алайда ішімдіктің зиянынан көрі, кейбір ауруларға пайдасы да бар. Күні кеше коронавирус белең алғанда бұқараның басым бөлігі ащы сусынды қорғану үшін тұтынды. Ал арақ шын мәнінде аурудың алдын алуға көмектесе ме? Дәрігерлер не дейді? Doctorpiter.ru-ға сілтеме жасап Massaget.kz тілшісі біліп көрді.
Суықтан қол-аяғы тоңып, үйге келгендегі бірінші ой үсік шалған жерді арақпен дұрыстап ысқылау. Алайда дәрігерлер бұл әрекетке үзілді-кесілді қарсы!
"Суықтан зақымданған тері арқылы алкоголь қанға тез сіңеді. Жану және кептіру әсері тіптен қатты", - дейді дәрігерлер.
Интернеті жоқ заманда әжелеріміз балалардың аурудан ада болуы үшін бар білгенін жасайтын. Қызуы көтерілсе арақпен ысқылайтын кездері де болды. Дегенмен дәрігерлер бұл шешімді қолдамайды.
"Арақ ішінара теріге еніп, интоксикацияны арттырады. Сонымен қатар, аллергия пайда болуы мүмкін. Өткір иістің арқасында обструктивті ларингиттің (круп) немесе ларингоспазмның пайда болуы немесе өршу қаупі айтарлықтай жоғары. Негізінде бұл процедура оның жағдайын жеңілдетпейді", - дейді педиатр Дмитрий Молодой.
"Алғашқыда алкоголь шынымен қан тамырларын кеңейтеді, қанның микроциркуляциясын жақсартады. Бірақ содан кейін кері әсері күрт пайда болады. Сондықтан кардиологтар алкогольдің, тіпті жақсы құрғақ қызыл шараптың да жүрек пен қан тамырларына оң әсер етпейтінін айтады", - деп ескертті діргер Яна Яновская.
Арақтың тағы бір емдік қасиеті - ол асқазан жарасын күйдіреді. Ал шын мәнінде, сіз керісінше әсер аласыз.
"Этанол бауыр арқылы ацетальдегидке айналады. Бұл зат қан тамырларының тарылуын, сусыздануын және қанның қоюлануын тудырады. Этанол шырышты қабықтарды, ең алдымен өңеш пен асқазанның шырышты қабығын тітіркендіреді. Шырышты қабықтың ұзақ тітіркенуіне байланысты эпителий жасушалары өліп, эрозия пайда болады. Содан кейін зақымдалған жасушалар ауыстырылады, бұл метаплазияға әкеледі, бұл қатерлі ісік қаупін айтарлықтай арттырады", - дейді Яна Яновская.
Тәжірибелі адамдардың кеңесі: егер жарақат алсаңыз, жараны арақпен сүртіңіз.
Дегенмен, арақты дезинфекциялау үшін қолдануға болмайтыны белгілі болды. Ол сізді микробтар мен вирустардан құтқармайды. ДДҰ және Роспотребнадзор ұсынымдарына сәйкес, өнім жұмыс істеуі үшін ондағы этанолдың ең аз мөлшері 60%, ал ең дұрысы 75-тен 95% -ға дейін болуы керек.
Арақ микробтармен күреседі. Дегенмен дәрігерлер арақпен немесе кез келген басқа алкоголь ерітінділерімен ингаляцияға қарсы кеңес береді.
"Алкоголь шырышты қабығын күйдіреді, кішкентай бронхтардың эпителийін зақымдайды, аллергиялық адамда бронх түйілуін тудырады. Дезинфекция жұмыс істемейді, өйткені вирустар мен бактериялар шырышты қабаттың бетінде ғана өмір сүрмейді, олар ішке, қанға енед", - дейді отоларинголог Игорь Бранован.
Міне, суыққа қарсы тағы бір халық рецепті: бұрыш қосылған бір стақан арақ - және барлық инфекция жойылады. Бұл түсініктен арылу қажет.
"Суық тию интоксикациямен бірге жүреді. Ал арақ этанолдың улы әсеріне байланысты аурудың ағымын нашарлатады. Мұндай кезде адамның барлық жүйелері мен органдарына қосымша жүктеме бар", - дейді Антон Масякин.
Мұндай әдіс "анестезия" ауырсыну сезімін уақытша басуы мүмкін. Бірақ тіс дәрігерлері ауырған тісті арақпен шаюға тыйым салады.
"Сізге ауырған тісті емдеу үшін алкогольдің кез келген түрімен шаюға немесе ішімдік ішуге болмайды. Біріншіден, алкоголь ауыздың шырышты қабығын зақымдауы мүмкін. Екіншіден, алкогольді ішкеннен кейін анестезиямен тіс емдеуге тыйым салынады", - тіс дәрігері Юлия Лапушкина.
Өзекті жаңалықтарды өз уақытында оқу үшін Facebook парақшамызға жазылыңыз!