Абай облысында ер адам түрмедегі досына тыйым салынған зат өткізудің "ерекше" әдісін тапқан
Фото:
ІІМ
Абай облысында ер адам сотталған досына тыйым салынған заттар беріп жібермек болған. Осылайша ол "ерекше" әдіс ойлап тауыпты, - деп хабарлайды Massaget.kz тілшісі ІІМ баспасөз қызметіне сілтеме жасап.
44 жастағы Семей қаласының тұрғыны сотталған досына аз уақытқа кездесуге келген. Тексеру тобы қызметкерлері ер адам әкелген азық-түлік өнімдерін тексеру барысында торттың ішінен телефон, нанның ішінен қуаттағыш құрылғы мен құлаққап тапқан.
"Қазір бұл дерекке қатысты ҚР ӘҚБтК-нің 481-бабы бойынша процессуалдық шешім қабылдау үшін материалдар жиналды", - деп түсіндірді тексеру тобының аға жедел уәкілі Кенжебек Нұрсейітов.
Аптаның басты оқиғалары мен пайдалы видеоларды көру үшін YouTube арнамызға жазылыңыз
Ж. Қадыржанова