Павлодар облыстық төтенше жағдайлар департаменті баспасөз қызметінің мәліметінше, "Майқайың-алтын" АҚ аумағында іздестіру-құтқару жұмыстары жалғасып жатыр. Мамандар күн сайын кәсіби аспаптардың көмегімен тереңдіктің түбіне тексеру жүргізеді, - деп хабарлайды Massaget.kz тілшісі pavlodarnews.kz-ке сілтеме жасап.
Нөлден төмен температура, екпінді жел мен боран жұмысты қиындатып жатыр. Күн сайын экскаваторды шұңқырдың түбіне түсірер алдында тау-кен инженері барлау жүргізеді және техника үшін жағдайды анықтайды. Сондай-ақ жүргізілетін жұмыстардың орны кинологиялық есептеулермен үнемі тексеріліп отырады.
"Геосканермен белгіленген нүкте ауданында мамандар шамамен үш метрге тереңдей түсті, жұмыс кеңістігін кеңейту және металл іздегішпен учаскені зерттеу жұмыстары жүргізіліп жатыр. Алайда топырақ пен тау жыныстарының әлі де құлап жатыр, іздеу-құтқару жұмыстарын жүргізу орны үнемі үлкен тастардан тазартылуы керек", - деп хабарлады департамент.
Құтқарушылар техника жете алмайтын жерлерде пневмоэлектро жабдықтардың көмегімен қолмен жұмыс істеп жатыр.
Instagram парақшамызға жазылып, ең қызықты ақпараттарды бірінші болып оқыңыз!