Сочи-2014. Канада қоржынына кезекті алтын түсті
Сочи ХХІІ қысқы Олимпиада ойындарында шорт-тректен 1500 метрлік қашықтықтағы медальдар өз иелерін тапты. Бұл сынды канадалық 29 жасар спортшы Шарль Амлен бағындырды.
Шарль Амлен жалпы қашықтықты 2:14.985 минут көрсеткішімен бағындырып, Олимпиада алтынын иеленді. Күміс қытайлық Тьянию Ханьға бұйырса, қоланы жарыс қожайындарының намысын қорғаған Виктор Ан жеңіп алды. Оның көрсеткіші 2:15.062 минут көрсеткішті құрады.
Естеріңізге сала кетсек, 1500 метрлік шорт-трек сайысында ел намысын қорғаған Айдар Бекжанов пен Денис Никиша іріктеу кезеңінен өте алмай қалған болатын. Нәтижесінде алғашқысы 29-шы, екіншісі 31-ші сатыдан көрінді.
Дайындаған: Өмірбек Сансызбай
О. Сансызбай