Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Грант құтты болсын,
Грант құтты болсын, "балмұздақ"!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Жұлдызды блогтар —

20 жасқа дейін...
20 жасқа дейін...

Автор: Томирис Есқали

Статус: Контент-менеджер

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Арнайы жобалар / ҰБТ 2014 / ҰБТ. Стюардесса болғыңыз келсе...

ҰБТ. Стюардесса болғыңыз келсе...

ҰБТ. Стюардесса болғыңыз келсе...

«Аспан қарлығаштары», стюардессалар – ең романтикалық мамандықтардың бірі. Жолсеріктің жұмысы бірашама ауыр болғанымен, жалақы деңгейі, әлеуметтік жеңілдік пен романтикалық тартымдылығы көптеген қыздарды стюардесса болуды армандауға сеп болады.

Стюардессаларға қойылатын талаптар

Жұмысқа қабылдайтын әр компания жолсеріктерге түрлі талап қояды, бірақ көбіне бұл қызметке 19-30 жас аралығындағы, бойы 160-тан 180 см-ге дейінгі қыздарды алады. Сонымен қатар болашақ стюардессаның келбеті сүйкімді, дене сымбаты 48-ші өлшемге дейін және сөйлеу мәнерінде мін болмауы тиіс. Білімі ортадан төмен емес, ал мамандығына аса назар аударылмайды. Есесіне бірнеше тіл білуі маңызды – әсіресе ең негізгі қазақ, орыс және ағылышын тілдерін. Оған қоса неміс, француз, түрік және т.б. тілдерді білгені құпталады. Жолсеріктің денсаулығы мықты болуы қажет, жүзе білуі керек және әрдайым спортпен шұғылданып тұрғаны дұрыс. Бортқа созылмалы аурулары бар қыздарды және көз көруі -2,5-тен төмен болса алмайды.

Стюардесса болу үшін...

Алдымен өзіңіз істегіңіз келетін компанияның сайтындағы анкетаны толтырыңыз. Кандидатураңызды қарастырған жағдайда, сізді бірнеше кезеңнен тұратын әңгімелесуге шақырады. Бірінші кездесуде жұмыс беруші сізбен танысып, біліміңіз, тәжірибеңіз және шет тілін қаншалықты білетіндігіңіз жайлы сұрайды. Сонымен қатар бұл кезеңде ұшу кезінде қиын жағдайлардан шығу амалдары сияқты арандатушылық сұрақтар да қойылуы мүмкін.

Жұмысқа тұру үшін әңгімелесуге баратын болсаңыз қатаң дресс-кодты ұстаныңыз: шашыңыз ұзын болса буып қойыңыз, болмаса жайып қойыңыз, қарапайым макияж және іскерлік кәстөм мен белдемше киіңіз.

Бұдан кейін бірнеше шет тілінде жазбаша әңгімелесу болады. Мұнда сіз тек өзіңіз жайлы ғана емес, болашақ мамандығыңызды қаншалықты білетіндігіңізді баяндайсыз. Барлық әңгімелесуден сүрінбей өтсеңіз сізді медициналық комиссиядан өтуге және психологтың сынағынан өтуге жібереді. Осындай қатал іріктеуден кейін 70% үміткер шығып қалады. Қалған 30%-ы стюардессаларға арналған арнайы мектепке түседі. Практикалық және теориялық жаттығулардан тұратын оқу 3-6 ай жалғасады. Болашақ жолсерік ұшу жайлы бәрін білуі керек – қолданылатын ұшақтардың түрлерінен салондағы дүрбелеңді тоқтату амалдарына дейін. Оқу біткен соң қыздар емтихан, ал бұдан да сәтті өткендер тәжірибе тұрғысынан нұсқаушымен 30 сағат ұшу емтиханын тапсырады. Бәрі біткен соң үшінші дәрежелі жолсерік деген куәлік табысталады.

Стюардессаның міндеті – ұшу қауіпсіздігін қамтамасыз ету, жолаушыларға қызмет көрсету және салонды жинастыруға көмектесу.

Әрі қарай?

2000 сағат ұшқан соң стюардесса екінші дәрежелі куәлікке емтихан тапсыра алады, ал 3000 ұшудан кейін ол бірінші дәрежелі маман болады. Мансабының өсуімен жалақысы да өседі. Бұдан өзге барлық жолсерік біліктілікті арттыру курстарынан өтіп, ағылшын тілінен тест тапсырып тұрады. Табысты қызметкерлер қосымша үстемақы алып, ал селқос жұмысшылар жұмыстан шығып қалуы да мүмкін. Стюардесса мамандығы сізден дүрбелең кезеңде өз-өзіңді басқара алу, қарым-қатынас орнату шеберлігі, төзім мен шексіз шыдамдылықты талап етеді. Есесіне жоғары жалақы, ел-жер көру мүмкіндігі және өзіңіз бен отбасыңызға әлеуметтік жеңілдік сияқты көптеген жағымды жақтары бар.

Сурет: kz.troniks.kz, www.trud.ru

Дайындаған: Анар Мұстафина

Дайындаған: Anara Mustafina
Қосылған күні: 26 наурыз 2014, 14:46
Пікірлер
+0
26 наурыз 2014, 14:33

Қызық, кішкентайынан стюардесса болуды армандаған жандар бар ма екен?

+0
26 сәуір 2016, 21:57

Менин кызым али кишкентай бирак болгым келеди дид

+0
26 наурыз 2014, 15:05

менің бір сіңілім қатты стюардесса болғысы келетін, тіпті боламын деп "айқайлайтын", Астанаға оқығысы келді, бірақ, ҰБТ-да аз бал жинап, қазір бастауыш сынып мұғалімі бойынша Шымкенттегі колледжердің бірінде оқып жүр, осындай үлкен талабы бар адамның жеңілісі жаным қатты батып еді... мына жазба сол сіңілімді есіме түсірді)

+0
26 наурыз 2014, 15:29

Аспан қарлығаштары деп күшті атаған екен...

+0
26 наурыз 2014, 15:38

Қазіргі таңда көп ата-ана бұл мамандыққа ұл-қыздарының барғанын қаламайтын секілді. Қауіпті болып кетті деп.

+0
26 наурыз 2014, 15:40

тым биіктікте ұшатын болғандықтан адамның қысымына әсер етіп, ол өз кезегінде қыз балалардың сәби сүю мүмкіндігіне керіс әсер ететінін оқып едім..

+0
27 наурыз 2014, 10:12

Көбіне әдемі қыздарды алады ғой, үзіліп тұратын

+0
28 наурыз 2014, 09:34

Стюард емес те, бірақ ұшқыш боламын деуші едім кішкентайымда. Үйдің үстінен ұшып бара жатқанда сыйлық тастап кетем бәріңе деуші едім. Ұшқыш болу қайдаа, ұшақпен ұшудың өзі арман болып кеткен заманда?!

+0
28 наурыз 2014, 10:01

Менің арманым еді стюардесса болу :?:

+0
08 тамыз 2014, 01:58

мен 5-сыныбымда кинодан көріп, қатты қызығып едім... :D Содан бері арманым болып жүр.....

+0
17 қараша 2014, 19:28

сюардесса болу менин арманым ,астана каласында окытатын орын бар ма?????

+0
17 қараша 2014, 19:28

стюардесса

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.