Оқи отырыңыз

Өзіңе ұнаған кәсібіңмен шұғылдансаң, өз ұлтыңның туын көкке көтере алсаң – бақыт деген осы!

Автор: Асқар Жұмаділдаев

— Редактор бағаны —

Грант құтты болсын,
Грант құтты болсын, "балмұздақ"!

Автор: Ербол Жұмабайұлы

Статус: Massaget.kz порталының Бас редакторы

Материал жіберу БЛОГ ЖАЗУ

— Үздік әуендер —

Нұржан Тәжікенов - "Сағыныш"
Роза Рымбаева - Алтын сағым
"Тұран" тобы - Kara jorga - people's songм
"Тұран" тобы - The swan - N. Tilendiev
"Тұран" тобы - Kaiys's weeping - poems by S. Kudaiberdiev (the epic of 'Layla and Majnun')
"Тұран" тобы - Zharapazan - people's song - poems by S. Medeubek
Негізгі / Арнайы жобалар / 15 сәуір 2014 / 15 сәуір. Жігітіңіз сізді қаттырақ жақсы көрсін десеңіз...

15 сәуір. Жігітіңіз сізді қаттырақ жақсы көрсін десеңіз...

15 сәуір. Жігітіңіз сізді қаттырақ жақсы көрсін десеңіз...

Жігітіңіз басқа қыздарға көз салып жүрген сыңайлы ма? Әлде бұрынғыдай сізге көңіл бөлуді қойды ма? Немесе сіз ол үшін әлемдегі ең сұлу қыз болып қала бергіңіз келе ме? Жігітіңізді сізді қаттырақ жақсы көруге итермелейтін бірнеше қадаммен таныс болыңыз.

Әрекет арқылы махаббат құрамыз


Барлық қарым-қатынас тепе-теңдікке құралған. Тепе-теңдік махаббаттарыңызды сақтап, жігіттердің өздері жиі шағымданатын «қысымнан» босауына ықпал етеді. Өмірдің мына үш жағдайында тепе-теңдік ұстануға тырысыңыз:

Күнделікті тұрмыс-тіршілікте сіз де, жігітіңіз де бар ынтаңызды салуды ұмытпаңыз, сонымен қатар, өзгеріс енгізу де артықтық етпейді. Жұма сайын кино көру – тамаша, алайда оның орнына коньки теуіп қайту ерекше сезім сыйлары анық. Бұл біркелкі әрекеттеріңізге кедергі келтірсе де, ештеңе етпейді.

Махаббат риясыз, уақыт талғамайды және бәрін кешіреді. Қарым-қатынаста алып қана қоймай, беріп те үйреніңіз. Қалауыңызды іске асыратын заттар жасаңыз, алайда екінші жартыңыздың да көңілін көншітіп қоюды ұмытпаңыз.

Қанша сөйлесеңіз, сонша жігітіңізді де тыңдаңыз. Бәлкім, кейде оны бірдеңеге үйрету қажет болатын шығар, ал кейде ол да сіз білмейтін нәрселерді білуі мүмкін.

Жігітіңіздің жеке уақыты бар екеніне көз жеткізіңіз. Жігіттер көбіне тәуелсіз келеді, сондықтан оған еркіндік ауадай қажет, сол себепті әрдайым оны бақылауда ұстауға тырыспаңыз. Ол достарымен қыдырып жүргенде сіз де құрбыларыңызбен кездесіп, әңгімелесуіңізге болады. Бұл екеуңізді де біраз серпілтіп алары анық.

Бұл сіздің оған деген сеніміңізді білдіреді. Және ол әрдайым сіздің сеніміңізден шығуға тырысатын болады. Егер оның өз-өзіне жауапты болуына сенімді болмасаңыз, ол сіздің сенімсіздігіңізді көріп, кері кетеді.

Махаббатыңызды көрсету үшін тосын сый ұйымдастырыңыз. Жігітіңіз не істегісі келіп жүргенін немесе не алғысы келіп жүргенін еске түсіріп, соны пайдаланыңыз. Егер ол сыйлықты күтпей жүрген болса, бұл оған қатты әсер етеді.

Жігітіңіз спортты жақсы көре ме? Футбол не баскетболға билет алып беріңіз. Ал адреналинді жақсы көрсе, онымен бірге көңіл көтеру паркіне барып, америкалық сырғанаққа (горкаға) отырыңыздар.

Жігітіңіз романтиканы жақсы көрсе, оның сүйікті ақынының кітабының сыртына әдемі махаббат сөздері жазылған хатпен сыйға тартыңыз.

Егер жігітіңіз қыдырғанды ұнатса, онымен бірге жорыққа шығыңыз. Немесе жергілікті зообаққа барып, хайуанаттарды тамашалап қайтыңыздар.

Кейде дос жігіттерімен сөйлесіңіз. Жігіттермен қызықты әңгіме құра алатын қыздар бәріне ұнайды. Әзілдесіңіз, қуанышты кейіп танытыңыз (олай болмаса да) және барынша босаңсуға тырысыңыз. Тек қылымсып сөйлесіп отырмағаныңызға көз жеткізіңіз.

Түскі ас салынған пакетіне немесе қалтасына хат-хабарлама салып жіберіңіз. Жүректен шыққан сөзді ғана жазуға тырысыңыз, ештеңеге қарамастан оның жанынан табылатыныңызды білсін. Хатты барынша қысқа етіп жазғаныңыз жөн.

Кешкі ас ішуге мейрамханаға аттанып, әңгімелесіп, босаңсып қайтуға тырысыңыздар. Оған сезімдеріңіз жайлы айтып, ой-пікіріңізбен бөлісіңіз. Оның да айтары бар шығар, әңгімелерін мұқият тыңдаңыз.

Бұл кездесулер екеуңізге де ұнауы қажет. Қайықпен жүзу, саябақта серуендеу, зообаққа бару, пойызға мініп, саяхаттау сияқты бір-біріңізді жақындастыратын әрекеттер жайлы ойланыңыз.

Қолыңыздан келгеннің бәрін жасаңыз


Тосыннан оған қошамет сөздер айтып, көз алдыңызда беделін көтеріп қойыңыз. Жалпы бұған дейін жасамаған әрекеттерді жасап, оны таң қалдыруға тырысыңыз. Осылайша оған деген қамқорлығыңызды, оны бағалайтыныңызды білдіресіз.

Оны жиі құшақтап, сүйіңіз. Және құшақтағанда арқасынан сипаудың қажеті жоқ. Осындай сәтте «Мен сені сүйемін» деген жылы сөздерді айтуға болады.

Ұқыпты әрі тартымды киінуге тырысыңыз. Бірақ бар сұлулығыңызды оған ғана көрсету құпталады. Ал көпшіліктің ортасында ханым болу керек. Біреулердің сізге сұқтанып қарағанын жігітіңіз ұнатпауы мүмкін.

Оның жанында сіз қысылмауыңыз керек, әйтпесе ол басқаша түсініп қалуы мүмкін. Онымен болғанда өзіңізді еркін сезініңіз, сонда ешқандай мәселе туындамайды.

Хат алмасқаннан гөрі телефонмен сөйлесіп тұрған абзал. Жігітіңіз көп сөйлемейтін адам болса да, күніне хал сұрасып қою артық етпейді.

Бірге ойнаңыздар. Мысалы, алыстан бастығыңызды бақылаңыздар немесе әуен жазып, ән айтыңыздар. Бір күнді махаббатқа арналған соңғы күн сияқты өткізіңіздер.

Оған арнап қысқа бір өлең жазыңыз. Тіпті гитара немесе қандайда бір аспапта ойнап берсеңіз болады. Өлеңіңізді ойнақы стильде жазып, оны күлдіртуге де болады.

Кеңестер

  • Жігіттер өздерін мықты сезінгісі келеді. Кей-кейде оның мықтылығын айтып, мақтап қойыңыз, бірақ жағымпаздану сияқты көрінбесін.
  • Онымен бірге болғанда өзіңізді еркін сезініңіз, кейде қалжың айтып, күлдіртіп тұру да артық етпейді. Ол сіздің жан-жақтылығыңызға риза болып қалады.
  • Сізді не үшін жақсы көретінін сұрай бермеңіз, әйтпесе бұл оның ашуына тиюі мүмкін.
  • Керек кезде жанынан табылуға тырысыңыз.
  • Не айтқыңыз келсе, соны нақты айтыңыз. Ешкімнің ойларды оқи алатын қасиеті жоқ.
  • Қарым-қатынасты нәрлендіру үшін күнде жаңа бір дүние ашыңыздар, жаңа дүниелерді көріңіздер.
  • Оған еркіндік беріңіз және егер ол достарымен қалуды ұйғарса, қысым жасап, ренжімеңіз.
  • Күнде әдемі болып жүруге тырысыңыз. Жігіттер өзін күтетін қыздарды ұнатады. 

Cурет: prosvadby.com, vk.com, projectbebold.com

Дайындаған: Анар Мұстафина

71
Рейтинг: +11

Дайындаған: Ардақ Құлтай
Қосылған күні: 08 сәуір 2014, 21:51
Пікірлер
+0
08 сәуір 2014, 13:36

Оны өзіңдікі жасап алмай, оның жеке адам екенін сыйла деші ))

+0
08 сәуір 2014, 14:38

Оқып отырып махаббаттың бар екеніне көз жеткізгендей болдым

+0
08 сәуір 2014, 16:45

Қарлыға ханым, сіз тым көп қиялдайтын сияқтысыз. Соған қарағанда көркем әдебиетті көп оқып қойған сияқтысыз :ugeek:

+0
08 сәуір 2014, 16:49

Мүмкін :|

+0
08 сәуір 2014, 15:31

жігіттер деген тосын сый анау-мынауға алданбайтын сияқты меніңше))

+0
08 сәуір 2014, 15:42

Сыйлықты қалай жасағанына байланысты, Кәусәр мұң

+0
08 сәуір 2014, 15:31

"Жігіттер көбіне тәуелсіз келеді, сондықтан оған еркіндік ауадай қажет, сол себепті әрдайым оны бақылауда ұстауға тырыспаңыз". Бұл пікірге келісуге де, келіспеуге де болады, жігітімізді еркіндікке жіберіп қойсақ, ол тым еркінсіп кетпей ме? Миы бар жігіттер аз ғой мына заманда десем жігіттер ренжіп, маған қызанақ лақтырмайтын шығар . )

+0
08 сәуір 2014, 15:35

қызанақ :?

+0
08 сәуір 2014, 15:44

"Жігіттер өздерін мықты сезінгісі келеді. Кей-кейде оның мықтылығын айтып, мақтап қойыңыз, бірақ жағымпаздану сияқты көрінбесін". Мәссаған, мынаны Анар жазып отыр ма? :cry:

+0
08 сәуір 2014, 15:52

Сізбен толықтай қосыламын! Если что жұмыртқа бар :)

+0
08 сәуір 2014, 15:43

еркекті еркін, алыстан қулықпен ұстаған дұрыс ;)

+0
08 сәуір 2014, 15:50

мүмкін нақтырақ айтарсыз, Филиппо! :arrow:

+0
08 сәуір 2014, 15:48

Жүрейік сол онда алыстан адам бақылап, ойнаааап, қыдырыыыыып :|

+0
08 сәуір 2014, 15:53

Сіз де қатырасыз, романтика, сезім, сөзсіз ұғыну деген болу керек қой

+0
08 сәуір 2014, 15:59

жігіттерде сөзсіз ұғыну деген түсінік жоқ. Біз тек сөзбен ұғынамыз. Ұнамай ма - айт, ұнай ма - оны да айт. Мен қазір не ойлап отырмын, бұл отырысымды қалай ұғынасыз Асмира ханым? :|

+0
08 сәуір 2014, 16:07

Ұнамай ма - айт, ұнай ма - оны да айт. дейсіз. Сөзбен белгі беру (намек) дегенді қалайша түсінбеуге болады?

+0
08 сәуір 2014, 16:56

Намек беріп онсыз да қиын өмірді қиындатып, бізді сендердің жұмбақтарыңды шешуге мәжбүр етпеңдер.

+0
08 сәуір 2014, 17:11

Қаланың жігіті, мына сөзіңізге келіспеске шара жоқ! Өйткені өмірдің қиын екені рас. Алайда! Алайда әйелдерден биік тұратын еркектер қауымының қыздың көңілін табуда әлсіздік танытатыны қалай?

+0
08 сәуір 2014, 15:51

Мұның бәрін ойлап жүрсең тіршілік қайда қалады Құдай-ау! Жұмыс, оқу дегендер тағы бар.

+0
08 сәуір 2014, 15:54

Онда қызбен жүрмей-ақ қойыңыз

+0
08 сәуір 2014, 15:55

Әйелдер қауымының құлақтарына алтын сырға, үйреніңдер жігіттердің көңілін қалай табуды.)

+0
08 сәуір 2014, 16:03

Бір-біріміздің көңілімізді тапқанда тұрған еш нәрсе жоқ сияқты...

+0
08 сәуір 2014, 15:55

Жігіттер мысық сияқты негізі, мен мысық пен жігіттердің ұқсастықтарына қатты таңғалам!

+0
08 сәуір 2014, 15:56

Қалай сонда Мейіргүл ханым?

+0
08 сәуір 2014, 16:01

Мысық жылу, береке, тамақ бар жерден ешқайда кетпейді. Сипап, еркелетіп қойсаң болды. Жігіттер де тап сондай ))) :x

+0
08 сәуір 2014, 16:03

Маааа жаман айттыңыз ғой :)

+0
08 сәуір 2014, 16:04

маааа, Мика жаман айттыңыз :idea:

+0
08 сәуір 2014, 16:28

Жұмыс істемей, үйде жатып алатын мысықты түзде жүріп нанын табатын еркекке теңедіңіз! :!:

+0
08 сәуір 2014, 16:35

Дұрыс айтып отыр Манас қобызшы!

+0
08 сәуір 2014, 16:39

Рақмет, қолдағаныңызға, Гүлбақыт! :?

+0
08 сәуір 2014, 16:41

Сол үшін сізге бір плюстен атсам, қолдағанымның дәлелі ретінде!

+0
08 сәуір 2014, 15:58

Ауызды қышытпаң, айтып-айтып жіберсем қаздар қалай жалпасынан түскенін білмей қалар)

+0
08 сәуір 2014, 16:00

Мына кісі не дид? :idea:

+0
08 сәуір 2014, 16:09

Мейіргүл деген кісі біздің, мына жігіттердің қытығына тиіп отыр! :!:

+0
08 сәуір 2014, 16:00

Құнажын көзін сүзбесе, бұқа жібін үзбейді))

+0
08 сәуір 2014, 16:03

Осы мақалға еш қосыла алмаймын. Бәрін бастайтын - қыздардың өзі дегенге келеді мағынасы. Біздің қазақи түсінігімізге қарама-қайшы!

+0
08 сәуір 2014, 16:36

Мейіргүл (ushkin) Оңғарова! Бәрін бастайтын - қыздардың өзі дегенге келеді мағынасы деген сөзге қосылмайсыз ба? Қосылмауыңыз дұрыс бірақ көп жағдайда қыздар бәрін бастайды дегенге лажсыз қосылатын шығарсыз.

+0
08 сәуір 2014, 16:13

Мәә, мында кәдімгідей пікірталас болып кетіпті ғой :D

+0
08 сәуір 2014, 16:15

Ет іздеп, ұйқы іздеген мысық болса жарар, мауыққан ұрғашы мысықтар да қаптап жүрмей ме... :idea:

+0
08 сәуір 2014, 16:20

Иә, олар туралы әңгіме бөлек секілді...

+0
08 сәуір 2014, 16:21

Мысыққа теңегендеріңіз жаман болды

+0
08 сәуір 2014, 16:25

Абсолютті ештеме жоқ! Сондықтан бәрің қыртып отсың! Осымен сөз бітсін!

+0
08 сәуір 2014, 16:27

Сен кімсің өзі?

+0
08 сәуір 2014, 16:35

Біз "сенге" көштік пе? Байқамай қалдым, тегі!

+0
08 сәуір 2014, 16:30

"Осымен сөз бітсін" дейсіз, қызықтың көкесі енді-енді басталып жатқанда :arrow:

+0
08 сәуір 2014, 16:26

Жарар, мысық қазақ ұғымында жаман дүниенің символы, "мысық азса жезтырнақ болар" деген сөз бар. Сондықтан, жігітті мысыққа теңеу әбестік. Ал, қыздар жігітті жақсы тамақ, жайлы орынға мастанып, мақтаудың буына семіріп кете береді деу де артық. Қалай ойлайсыңдар жігіттер?

+0
08 сәуір 2014, 16:30

Бұл қыздар шамасы Зұлқарнайын жігітке кездеспей жүрген болуы керек. Келіңшиш біздің жаққа, қыздар, көрсетейік нағыз жігітті

+0
08 сәуір 2014, 16:32

сіз қай жақтасыз сонда?

+0
08 сәуір 2014, 16:35

Құс жолы галактикасындағы S12 планетасынанмын

+0
08 сәуір 2014, 16:40

ал онда қалай баруға болады? барсаң қызық бар сияқты ғой

+0
08 сәуір 2014, 16:34

Біздің жақ деген қай жақ?

+0
08 сәуір 2014, 16:29

ер адамдардың сөзсіз түсіну қабілеті расымен болмайды-ау осы. :|

+0
08 сәуір 2014, 16:31

Материалды оқып, кәдімгідей көңілім жайланып отырған еді, төмендегі мысық пен бұқаларды оқыған соң жаман болып отырмын... Бұдан кейін бір-бірімізге ұнамай қалатын сияқтымыз ғой ;)

+0
08 сәуір 2014, 16:35

Қарым-қатынаста ең қажеті - сүйген адамыңның өзіңе жасағанын қаламайтын әрекетті өзіңнің де жасамауың. Екі жүрек бір бүтін емес пе?! Біреуі қандай болса, екіншісің де тап сондай болуы айтпасаң да ұғынықты. Сені қалай сүйгенін қаласаң - өзің де дәл солай сүй. Жалпа ер-азаматтардан бір саты төмен тұратынымыз рас-ау. Ер адамды шын сүйіп, қалтқысыз тыңдасаң, саған деген сүйіспеншілігі арта түспейді ме?

+0
08 сәуір 2014, 16:37

Көп проблема қыздардан келеді, мойындайықшы жігіттер. Ұяты болса қыздар да мойындасын

+0
08 сәуір 2014, 16:39

Мәссаған! Көп проблема қыздардан келеді деуіңізге жол болсын!

+0
08 сәуір 2014, 16:40

Меніңше сіздікң қызыңыз проблемалы болғандықтан, өзгелерге топырақ шашып тұрсыз! Сізбен мүлдем келісе алмаймын

+0
08 сәуір 2014, 16:41

иә, мына жерде көп пікір әркімнің өз өміріне байланысты айтылып жатқан сияқты, мысық та, проблема да :|

+0
08 сәуір 2014, 16:41

сыңаржақ болмайық, бірақ мысыққа теңелген соң біздің де намысымыз оянған секілді болып отыр :idea:

+0
11 сәуір 2014, 14:47

Ой ренжімеңдер басында осы мысық жайлы әңгіме көтерілгенде жақсы ғой мысық деген деп ойласам кейін алып-қашпада басқа жаққа кетіп бара жатыр дегенмен қазақтың сөзі бай ғой

+0
08 сәуір 2014, 16:39

шынымен де ""мысық", "бұқалар" шошытты-ау, ә? :| " "Балам" дейтін ел болмаса, "Елім" дейтін бала қайдан болады" демекші, бірімізді біріміз жау санап, ерлерімізді мысық, бұқаға теңесек жолымыздан асқар таудай еркетің шықпасы анық...

+0
08 сәуір 2014, 16:46

құрсын мына жерде тақырыпты ұмытпайық, жігіттер айтпайсыздар ма сіздерді қалай қатты жақсы көргізуге болады екен? :x

+0
08 сәуір 2014, 16:51

Ол үшін жігіттің намысын жоғары бағалап үйрену керек және дауысының тоны жігітінен төмен тұруы керек

+0
08 сәуір 2014, 16:52

ал жігіт өз кезегінде осы әрекеттерге әбден лайық болуы керек

+0
08 сәуір 2014, 16:59

керемет жауап!

+0
08 сәуір 2014, 16:52

шынымен де ""мысық", "бұқалар" шошытты-ау, ә? " "Балам" дейтін ел болмаса, "Елім" дейтін бала қайдан болады" демекші, бірімізді біріміз жау санап, ерлерімізді мысық, бұқаға теңесек жолымыздан асқар таудай еркетің шықпасы анық...

+0
08 сәуір 2014, 16:53

шынымен де ""мысық", "бұқалар" шошытты-ау, ә? " "Балам" дейтін ел болмаса, "Елім" дейтін бала қайдан болады" демекші, бірімізді біріміз жау санап, ерлерімізді мысық, бұқаға теңесек жолымыздан асқар таудай еркектің шықпасы анық...

+0
08 сәуір 2014, 16:53

қамқорлықты ұнатамыз дегенімен, жігіттерге екінші мама еш қажет емес. Керісінше өзіңді алыс ұстаған сайын, қоңырауларына сирекжауап берген сайын көп іздейтіні жасырын емес. Ең басты ереже - қыздардың өзіне деген сенімділігі, өзіне сенімді қыздар жігітке мұқтаждығын көрсетпейді, сонысымен ынтықтыра түседі.

+0
08 сәуір 2014, 17:19

"Қыздарға екінші мама керек емес" мына сөзге қосылам! Керемет айтылды! :idea:

+0
20 сәуір 2014, 01:24

касында болса жасаймын ау, алыста гой кайтем

+0
21 сәуір 2014, 12:55

Құдай-ау не деген есімдер мына жерде, айтуға ауыз батпайды, Қобызшы дей ма, Ескендір Зұлқарнайын ди ма, есімдерін оқып мәз болып, ар жағына көз жүгіртсем, асылдың сынығына да татымайды екен керемет есімдерді иеленген жігіттер...жыным ұстайды лепіріп отыратын жігіттерге

Пікір білдіру:

Пікір қалдыру үшін тіркеліңіз немесе сайтқа кіріңіз.

Әлеуметтік желі арқылы кіру:

Соңғы аудармалар

Қайсар До Бон Сун  #7
Қайсар До Бон Сун #7

До Бон Сун – ерекше қыз. Өйткені, оның бойында тұқымқуалайтын қасиет алпауыт күшке ие. Ол тек қыздаға беріледі. Бұл қасиеті үшін өзінен ұялатын қыз қалайша барлық қиындыққа қарсы тұра білді? Оған қолдау көрсеткен кім? 

BTS - Go Go
BTS - Go Go

Топ: BTS немесе Beyond The Scene  Дебют: 2013 жыл,...

VROMANCE feat. Obroject -
VROMANCE feat. Obroject - "Ғашықпын" (Fall In Love)

Массагет сайтында жарық көріп жүрген "Қайсар До Бон Сунның" сезімге толы саундтрегін назарларыңызға ұсынамыз.