Ресейлік жоғары санатты дәрігер-терапевт Александра Кожевникова Sputnik радиосына берген сұхбатында жөтелді емдеудегі екі қателік туралы айтты.
Маманның айтуынша, жөтел пайда болған кезде көбісі бірден суық тиюден болды деген қорытындыға келіп, дәрігермен кеңеспей-ақ қақырық түсіретін дәрілерді қабылдауға кіріседі. Дегенмен, жөтел міндетті түрде тыныс алу жолдарының инфекциясымен бірге жүрмейді. Кожевникова бұл басқа патологиялардың белгісі болуы мүмкін екенін атап өтті.
"Сондықтан қақырық түсіретін дәрілер әсер етпеуі немесе кері әсер беруі мүмкін. Жөтелді емдемес бұрын оның себебін анықтау керек", - деді ол.
Жөтел шынымен COVID-19 немесе ЖРВИ сияқты жұқпалы аурудан туындаған жағдайларда, кейбір адамдар дәрігердің рецептінсіз дереу бактерияға қарсы препараттарды қабылдауға кіріседі, деп атап өтті маман. Оның айтуынша, медициналық білімсіз белгілі бір жағдайға сәйкес келетін антибиотикті таңдау және оның оңтайлы дозасын есептеу мүмкін емес.
Дәрігер әр бактерияға қарсы дәрінің өзіндік көрсеткіштері, қарсы көрсетілімдері, дұрыс дозалары және емдеу мерзімі бар екенін айтады.
"Бұл жай ғана сізге әсер етпеуі немесе иммундық жүйені басуға дейін жанама әсер етуі мүмкін. Егер сіз дұрыс емес таңдау жасасаңыз, дәрі тиімсіз және зиянды болады", - деді Александра Кожевникова.
Айта кетейік, бұған дейін ғалымдар қатерлі ісіктің 11 түрін дамыту қаупін төмендететін дәруменді атаған болатын.
Қытай ғалымдары С дәруменін қабылдау мен қатерлі ісіктің әртүрлі түрлерінің дамуы арасындағы байланыс туралы 3562 ғылыми жұмысты зерттеді. Олар С витаминін тұтыну қатерлі ісіктің 11 түрін дамыту қаупін азайтады деген қорытындыға келді.
С дәрумені қуық, жатыр, асқазан, өңеш, өкпе, ұйқы безі, қуық асты безі, бүйрек ісігі, глиоманың даму қаупін айтарлықтай төмендететіні атап өтілген.
С дәрумені көптеген аурудың алдын алып, өзіңізді сергек ұстауға көмектеседі. Сондықтан осы дәруменді күн сайын тұтыну қажет.