Аяқ бас бармағының сүйегі неге қисаяды?

Халық арасында "сүйекше" атауымен танымал бұл ауру түрін жиі кездестіреміз. Оның туындауына басты себеп биік өкшелі әрі тар аяқ киімдер екені бәріне мәлім.

Деректер бойынша, Жапония тұрғындары бірнеше ғасыр бойы ашық әрі кең аяқ киім киген. Екінші Дүниежүзілік соғыстан кейін олар еуропалық стильге ауысқан. Кейін халық арасында табан сүйегінің ауруы 67%-ға артқаны белгілі болған. Тар, биік өкшелі аяқ киімдер табанның алдыңғы жағына күш түсіріп, аяқ бас бармағының жұмысына кедергі келтіреді. Сол себепті, ең алдымен тар әрі биік өкшелі аяқ киімдерден арылғаныңыз жөн.