"Қазгидромет" РМК ауа райының бұзылуына байланысты бірнеше өңірде ескерту жариялады.
12 желтоқсанда Қостанай облысының оңтүстігінде бұрқасын күтіледі. Облыстың оңтүстігінде солтүстік-шығыстан соғатын жел секундына 15-20 метрге жетеді.
Қызылорда облысының солтүстігінде көктайғақ болып, облыстың оңтүстігінде тұман түседі. Оңтүстік-батыстан соғатын жел солтүстік-батысқа ауысады, күндіз облыстың солтүстігінде жел секундына 15-20 метрге жетеді.
Маңғыстау облысының солтүстік-шығысында көктайғақ күтіледі. Облыстың солтүстігінде, батысында тұман түседі.
Ақтөбе облысында түнде облыстың оңтүстік-шығысында көктайғақ, бұрқасын күтіледі. Солтүстік-шығыстан жел соғады, облыстың шығысында жел секундына 15-20 метрге жетеді.
Батыста, солтүстікте, Қарағанды облысының орталығында көктайғақ болып, қар жауады, облыстың оңтүстігінде тұман түседіі. Қарағандыда 12 желтоқсанда күндіз көктайғақ, бұрқасын күтіледі. Жезқазғанда 12 желтоқсанда көктайғақ болады.
Батыс Қазақстан облысының солтүстігінде тұман күтіледі.
Түркістан облысының солтүстігінде тұман, көктайғақ күтіледі. Күндіз таулы аймақтарда оңтүстік-батыстан соғатын жел секундына 15-20 метрге жетеді.