Қазақстанның бірқатар өңірінде демалыс күндері күн күрт суытады, – деп хабарлайды BNews.kz.
Қазгидрометтің мәліметінше, 28-29 наурыз күндері Ақмола, Ақтөбе, Солтүстік Қазақстан, Қарағанды, Қостанай, Павлодар облыстарында түнде сынап бағанасы -15-20, кей жерлерде -25 градусқа дейін төмендейді.
29-30 наурызда Оңтүстік Қазақстан, Жамбыл облыстарында солтүстік-шығыстан жылдамдығы секундына 18-23 метрді құрайтын жел соғады, таулы асуларда екпіні 30 м/с-ке дейін жетеді деп күтілуде. Ал ауа температурасы бұл аймақтарда түнде -3-8 градус суықты көрсетеді.
сурет: livejournal.com