Марк Цукерберг: ғылыми 6 кітап

2015  жыл Facebook басшысы үшін әдебиет жылы болды. 365 күн бойына Марк Цукерберг айына екі кітап оқуға тырысты.

1. «Sapiens. Адамзаттың қысқа тарихы», Юваль Ной Харари

Біз жалғыз адам типіне жататын сүтқоректі емеспіз. 100 мың жыл бұрын Жер ғаламшарында алтыға жуық адамның түрі мекен еткен. Юваль Ной Харари  өз кітабында Homo sapiens аталатын адам түрі қалай өмір сүргенін, революия кезінде қалай аман қалғанын жазады.

«Sapiens кітабын оқу барысында маған адам өміріндегі религиялардың эволюциясы туралы жазылған бөлімі қатты ұнадйы. Бұл мен тереңірек меңгергім келетін тақырып еді», —  A Year of Books парақшасында Цукерберг осылай жазды.  

2. On Immunity, Эула Бисс

Европа  мен АҚШ-тағы вакцинаға қарсы қоғамдық көтерілістер Эула Бисстің екпелерге зерттеу жүргізуге деген қызығушылығын оятты. Зерттеу нәтижесін ол 2014 жылы жарық көрген «On Immunity» кітабында жариялады. Бұл кітапты Цукербергке оның медицина саласында қызмет ететін достары мен ғалымдар ұсынды.

3. «Ойыншы», Иэн Бэнкс

«Ойыншы» – 1988 жылы Иэн Бэнкс жазған ғылыми-фантастикалық роман. Бұл туындыда егер адамзат бүкіл кеңістікті бағындырып, зияткер робот арқылы байлыққа кеңелсе не болатыны айтылған.

Цукерберг ғылыми фантастиканы аса жақсы көрмейді. Оның сөзіне сенсек, «Ойыншы» – оның таптаурын әдеттерімен қоштасуға мүмкіндік беретін кітап.  

4. «Ғылыми революцияның құрылымы»,Томас Кун

Бұл кітап алғаш рет 1962 жылы жарық көрді. Негізгі идеясы ғылыми-техникалық үдеріс қоғам қалай әсер ететінін көрсету. Бұл кітап – ғылым, қоғам және олардың арасындағы қарым-қатынас туралы.

«Меніңше, ғылым әлемдегі мейірім атты сезімнің атын қорғау үшін күрес жүргізіп жүрген күш. Ғылымның дамуы үшін ақша бөлу және зерттеу нәтижелері бойынша әрекет ету өз пайдасын тигізеді», – деді Цукерберг.

5. «Геном», Мэтт Ридли

Мэтт Ридли «Геном» кітабында адам тарихындағы ең елеулі оқиғалардың бірі геннің ашылу тарихын сөз етеді. «Бұл кітап адам тарихын генетика тұрғысынан баяндайды», — деп ойын білдірді Цукерберг.

6. «Шексіздіктің бастауы»,Дэвид Дойч

Марк Цукерберг 2015 жылы оқыған соңғы кітап. Британ физик-теоретигі Дэвид Дойчтың пайымдауынша әлем тек жұмбақтан ғана емес, тез табуды қажет ететін жауаптардан да тұрады. Автор кітабында ғылыми әдістің барлығы кез келген шынайылықтың қақпасын ашатынын айтады.