Интернеттің қызығы таусылмапты...

Әлемде талай қызық бар деуші едік қой. Сол қызықтарымыз таусылмапты, таусылмасын деп тілейік. Интернеттің алғашқы қадамдары жайлы қызықты деректерді оқиық...

Интернет тарихы туралы ақпарат қызықтырса мына жерден көре аласыз...

Бүгінгі интернеттің тарихы сонау 1960 жылдардан басталған. Мұны ең бірінші болып ойлаған АҚШ-тың Массачусетс технология институтының мамандары екен. Ең бірінші хабарлама да сол уақытта жіберіліпті. Мәтін «log» деп қана адресатқа барған. Алғашқыда «Login» деп жазуды ойлаған ғалымдар «G» қарпін жаза бастаған кезде интернет істен шығып қалыпты.

Барлығымыздың да жазып жүрген www белгіміз “WorldWideWeb” деген сөздердің бас әріптерінен құралған қысқарған сөз. Ал ең бірінші гипер адрес мынадай болған екен. Бірақ, өкініштісі, бұл парақша өшіріліп кеткен. Оның орнында қазір басқандай мазмұндағы бет бар.

Ең бірінші «смайлик» 1979 жылы Кевин Макензидің табысы – «-)». Адам түріне ұқсамағандықтан, 3 жыл өткен соң Скотт Фэхлман бәрімізге де таныс “: – )” смайлын жасады. Жапон смайлдары тіптен қызық. ~~~ヾ(＾∇＾) < - қайырлы таң болса, ал (^ _ ^)/~~ < - сау бол дегенді білдіреді.

Әрмен қарай кеттік, ең бірінші веб-камера Ұлыбританияның Кембридж университеті компьютерлік зертханасында тексерілді. Оның негізгі мақсаты кофе қайнатқышты бақылау болған. Егер құтыда кофе таусылса, веб-аппарат белгі беруі керек болған-мыс. Ал келесіде оны адамдар арасындағы қатынас құралы етіп өзгертті...

mp3 формат 1991 жылы жасалса да, 1998 жылға дейін әндерді жалпақ жұртқа бұл арқылы таныстыра алмайтын едік. Бұл қызметті тұңғыш рет Napster ұсынды. Бұл бағдарлама интернеттің түбегейлі болмысын өзгертті деп айта аламыз...

Ал «пираттардың» жөні тіптен бөлек. Интернет бетіне көшіп келушілердің не сөз айтып, не жазып жатқандарын қадағалау, реттеу жүргізу үшін биліктің өзі ең алғашқы «пират» болған. 1989 жылы Макгилл университеті Америкадан Канадаға дейінгі интернет кеңістігін қамтамасыз етіп отырған ftp-серверін өшіріп тастады. Уақыт өте келе оның баламалары шығып үлгерген.

Google компаниясының айтуынша, интернет 5 миллион терабайт салмақты көтере алады (1 терабайт = 1024 гигабайт). Ал бұл көлемнің әзірге тек 0,04%-ы ғана жүктелген. Сұмдығы сұмдық!

Енді «18+» аудиторияға ақпарат бере кетейік. Интернет бетіндегі барлық суреттердің 80%-ы жалаңаш әйел суреттері екен. Ал іздегішті қолданатындардың үштен бірі порнография беттерін ашады.

Ал ең бірінші жарнамалық баннер интернет бетінде 1994 жылы пайда болды. Жарнама компаниясы  “you will” деп аталады екен.

Күнделікті жіберіліп отыратын электронды хаттардың (247 миллиард) 81%-ы «тап-таза» спам! Интернеттің басты жауына айналған осы мәселе әлі де шешімін таппай келеді. Спам-хаттарды тек өшіріп отыруымыз керек.

Әлемнің айнасына айналған YouTube-ке әр минут сайын 20 сағаттық видеожазбалар жүктеліп отырады. YouTube-ке жүктелген ең бірінші видео «Мен зоопарктамын» деп аталып, ол ешкімге де қызық болмаған.

Дайындаған: Ардақ Құлтай

Сурет: interesting-things.ru