Samsung компаниясы ең үлкен теледидарын сатылымға шығарды. Теледидардың экраны 110 дюйм. Ең алғаш ол 2013 жылы CES сауда көрмесінде таныстырылған болатын. Енді бұл теледидарды дүкендерден кездестіре аласыз. Бағасы $150 000 болып белгіленіп, әзірге тек Қытай, жақын маңдағы Шығыс елдері, Еуропа және Оңтүстік Кореяда сатылатын болып шешілді. Алып тауар - 2,6 × 1,8 метр және 4К мүмкіндігімен мақтана алады. Жаңа теледидар 2014 жылы қызу сұранысқа ие болады деп көзделуде.
Бұған дейін әлемдегі ең үлкен теледидарлардың қатарында Sharp компаниясы ұсынған LC-90LE745U сериялы сұйықкристалды теледидар аталған еді. Ол теледидар 90 дюймды өлшемге ие және 3D стерео технологиясын да көрсете алады.
Panasonic компаниясы ұсынған Full-HD 3D плазмалық теледидары да әлемдегі ең үлкен теледидарлар қатарына жатады. TH-152UX1W модельді теледидар Лас-Вегастағы Сonsumer Electronics Show сауда көрмесіне қойылған. Оның экраны 152 дюйм.
Дайындаған: Нұржігіт Айдархан
Сурет: mirfactov.com