Ата, арифметиканы оқыңыз!

Есімі бүкіл әлемге мәшһүр Альберт Эйнштейн жайлы не білесіз? Ғалым өмірінен ауыз толтырып айтарлық қызықты деректер сақталмаған. Алайда редакциямыз сіздер үшін Эйнштейн жайлы барынша қызықты деректерді топтастырды.

Білім жайлы

Бір күні Эйнштейннің жарына мынадай сұрақ қойылыпты:

- Сіз сүйіктіңіздің «салыстырмалы болжам» теориясын білесіз бе?

- «Шынымды айтсам, толығымен түсінбедім. Бірақ әлемде Эйнштейнді менен жақсы білетін адамның жоқ екенін жақсы білемін» - депті.

Эйнштейн және Эйслер

Эйнштейн мен композитор Эйслер күндердің бір күнінде кезекті басқосуда бірге болыпты. Эйнштейнның скрипкада жақсы ойнай алатынын білген Эйслер, бірге әуен орындауға ұсыныс жасапты. Эйнштейн скрипкасын бабына келтіріп, әуенді бастағысы келгенімен, бұдан ештеңе шықпайды. Эйнштейн Эйслермен бірге тактіге іліне алмайды. Әбден ызаланған Эйслер орнынан тұрып: «Үшке дейін санай алмайтын адамды күллі әлем неге данышпан деп таниды?» - деген екен.

Әйелінің пікірі

Эйнштейннің әйелінен жары туралы не ойлайтыны жайлы сұрапты. Әйелі: "Менің  жарым – данышпан. Қолынан келмейтіні жоқ. Тек ақша таба алмайтыны болмаса" - деп жауап берген екен.

Уақыт пен шексіздік

Американдық журналист мисс Томпсон Эйнштейннен сұхбат алу барысында мынадай сұрақ қойған екен:

Уақыт пен шексіздіктің арасында қандай айырмашылық бар? Эйнштейн көп ойланбай:

«Егер менің осы екі түсінік арасындағы айырмашылықты айтуға уақытым болғанда, оны сіз түсінем дегенше шексіз уақыт кетер еді» - депті Альберт ата.

Телефон нөмірі жайлы

Эйнштейннің бір танысы оған қоңырау шалуды сұрап, телефон нөмірін есте сақтау қиын екендігін ескерткен. «24-361 Жаттап алдыңыз ба? Қайталаңыз!»

Эйнштейн таң қалып:

«Әрине жаттадым! Екі дюжина мен 19-дың екі дәрежесі»,-депті.

Ата, арифметиканы оқыңыз!

Бір күні трамвайға кірген Эйнштейн бос орын тауып, бірден кітап оқуға кіріскен. Кейін кондукторға бір қарамастан алдын ала дайындаған жол ақысын береді.

- Жетпей тұр! - дейді кондуктор.

- Мүмкін емес, - дейді Альберт көзін кітаптан үзбей.

- Жетпей тұр деймін.

- «Бұл мүмкін емес» дегендей Эйнштейн басын шайқап, отыра берді.

Кондуктор ызаланып:

- Онда өзіңіз санаңыз. Міне 15 пфеннинг. Тағы 5-еу жетпей тұр.

Эйнштейн қалтасына қолын салып, жетпей тұрған тиынды тауып алып, кондукторға береді. Ыңғайсызданған Эйнштейнге күлімсіреген кондуктор: «Ата, ештеңе етпейді, арифметиканы оқыңыз» - депті.

Форумда талқылау

Cурет мұрағаттан