Apple бәрін жасаса...

09 қаңтар 2013, 19:49

Әйгілі Apple компаниясының шығарған әр тауары нағыз брендке айналады. Олар қыруар ақшаға сатылып, жастар арасында ерекше танымалдылыққа ие болады. Смартфон, планшет, компьютерлер мен ноутбуктар нарығында алдыңғы орында келе жатқан Apple басқа тауарларды жасаса қалай болар еді?

iWater

iWater - таза, мөлдір ауыз суы. Ал ең бастысы iWater ішкенде сізге бәрі қарап, қызғана бастайды.

iToilet

Элиталы унитаз өзінен еш нәрсе аямайтын жандарға арналған. Жоғары технологиялық материалдардан жасалған бұл бұйым сіздің жоғары талғамыңызды көрсетеді.

iSmell

iSmell - Apple-дан әмбебап әтір. Ол ер кісіге де, қыздарға да сай келеді. Әлбетте оның иісі ерекше, басты иісі алма болуы тиіс.

iPets

iDog пен iCat сіздің адал достарыңызға айналмақ. Толықтай автономды олар Apple-дың кез келген тауарымен синхронизацияланады.

iCycle

Велосипедтер салсындағы нағыз революция! Үстінде отырған кезіңізді өзі-ақ суретке түсіріп, Instagram-ға салып қояды.

iBrew

Таңмен ояну қиын ба? iBrew кофе қайнатқышы сізге азанмен хош иісті кофе дайындап, күніңізді бастайды.

hiTops

Жоғары технологиялық кроссовкалардың навигация жүйесі, аяқты тану командасы, жүгіргенде жоғалтқан калорияны санайтын құрылғысы да бар.

iSight

Бұл көзілдірік жай ғана сәнді аксессуар емес. Оның линзалары бәрін 1080p HD кеңейтілуде көруге мүмкіндік береді. Сондай-ақ камераны қосып, сурет пен видеоны түсірсеңіз болады.

Ал сіз Apple-ға қандай тауар шығаруын ұсынар едіңіз?

Дайындаған: Сания Аринова

Суреттер: vk.com

С. А