Көп ұйықтаудың пайдасы неде?

Аты әлемге белгілі физик Альберт Эйнштейннің өміріне үңілсек, көптің ойына келмейтін әрекеттерді әдетке айналдырғанын көреміз. Мүмкін бұл Эйнштейннің ғұламалық құпиясы болған шығар?

10 сағат ұйқы

Ұйқының ми жұмысына әсер ететіні белгілі. Сол үшін де Эйнштейн 10 сағаттан аз ұйықтамайтын болған. Біз ұйықтаған кезде, миымызда екі түрлі үдеріс жүріп жатады. Олардың бірі терең ұйқы болса, екіншісі - жылдам ұйқы.

Үдерістің бірінші түрінде ми белсенді түрде жұмыс істейді. Ал жылдам ұйқы кезінде ми жұмысы бәсеңдейді. Бірақ таламус (ми бөлігі) өз жұмысын ешқашан тоқтатпайды. Себебі ол ұйқыға сырттан келетін ақпараттың әсер етпеуін қадағалайды.

Терең ұйқыға бейім адамдардың санасы жылдам жұмыс істейді. Себебі оның миындағы сигма-ритмдер қозғалысы жоғары жылдамдыққа ие. Бірақ ол артық ақпаратты автоматты түрде сақтап отырмайды.

Сол үшін де Эйнштейн мектептегі стандартты білім беру жүйесін сынға алған. Ол кітаптан оқуға болатын деректі жаттаудың қажеті жоқ екенін айтқан.