Инсульттің бір апта бұрын пайда болатын 5 белгісі

Инсультті немесе инфарктты дер кезінде анықтау өмірді сақтап қалуды білдіреді. Кейде симптомдар қайғылы оқиғадан бірнеше күн бұрын пайда болады.

Мидың бір бөлігін қанмен қамтамасыз ету тоқтатылған кезде инсульт диагнозы қойылады. Бұл өте қауіпті жағдай, науқасқа шұғыл медициналық көмек қажет.

Инсульт түрлері

Егер миға оттегі мен қоректік заттардың қанмен бірге келуі шектелсе немесе тоқтаса, оның жасушалары өле бастайды. Бұл ишемиялық инсульт, ол барлық инсульттердің 85 пайызын құрайды.

Геморрагиялық инсульт миды қамтамасыз ететін әлсіреген қан тамырлары жарылған кезде пайда болады.

Микро инсульт бірнеше минуттан 24 сағатқа дейін миды қанмен қамтамасыз етуді бұзады.

Статистикалық мәліметтерге сүйенсек, инсульт болғандардың  43 пайызы алдын ала оның белгілерін сезгенін айтады. Бұл туралы британдық Express басылымы жазды. Олар белгілерді – әдеттегі шаршау, ұйқының болмауы, физикалық апатиямен байланыстырды.

Сонымен, міндетті түрде ескеру керек:

• күн сайын пайда болатын бас ауруы;

• ұйқышылдық;

• бірнеше күн бойы кетпейтін саусақтардың ұштарында жағымсыз қышу;

• көздедегі көру проблемалары: көздің алдында тұман тұрады;

• «қара дақ»: тіке қараған кезде бәрі бұрынғыдай, бірақ солға немесе оңға қараған бойда «қара дақ» пайда болады. Бұл жағдайда тек бір көзге әсер етеді.

Көбінесе инсульттің белгілері аурудан бір апта бұрын пайда болды, бірақ кейбіреулер 3 күн және 10 күн бұрын жағымсыз белгілерден зардап шеккенін айтады.

Сондықтан сізді бірдеңе мазалап жатса, дәрігерге хабарласудан тартынбаңыз. Кез келген ауруды емдеуден гөрі алдын алу оңайырақ. Бұл инсульт немесе басқа патология болса да бәрібір.