Ендігінің махаббаты

- Сен мені сүйесің бе?

- Сүйемін.

- Жан-тәніңмен сүйесің бе?

- Жан-тәніммен сүйемін.

- Ендеше, бас құрап, некелесейік.

- Жалпы бұған қарсы емеспін...

- Онда біздің некелесуімізге көлденең болардай басқа да себеп бар ма?

- Жоқ.

- Ендеше, жүр, некелесейік.

- Жүрсек жүрелік... десе де некеленгесін қайда тұрамыз?

- Әуелі, пәтер жалдап тұрамыз.

- Болсын-ақ, бірақ қайдағы ақшамен пәтер жалдаймыз?

- Жұмыс тауып істейміз де.

- Ол да болады екен. Ал, тамақты қайсысымыз істейміз?

- Шешем тамақты келістіріп жасайды. Әжең де үнемі келіп тұратын болады.

- Жарайды. Сонда біз не үшін үйленеміз?

- Балалы боламыз, оны есейтіп-ержеткіземіз.

- Бала жылап, ес-ақылды алады ғой, күн бойы соған қарап, тамақ берумен кино, концерт көруге де бара алмайтын боламыз.

- Онда балалы болмай-ақ кино, концерт көруге-ақ бара берейік. Бір күшік асырап алсақ болды ғой.

- Кинозалға ит алып кіргізбейді.

- Онда ит баққанды да қоялық. Кино, концерт көруге-ақ бара берейік.

- Осы күнде де кино, концерт көруге бірге барып жүрмейміз ғой.

- Иә.

- Ендеше, некелесіп керегі не?

- Некелессек күнде бірге болатын боламыз.

- Күнде бірге болуды көксеймісің?

- Күнде бірге болсақ, бір-бірімізді ығыр қылып аламыз... Ал жұмыс істесек күнде бірге бола алмаймыз да.

- Былайша айтқанда, біздің жұмыс істеуіміз күнде бірге болу үшін емес болды ғой, солай ма?

- Онда жұмыс істегенді қоялық.

- Жұмыс істемесек, неменеге сүйеніп күн көреміз?

- Онда бірге тұрмыс кешірмей-ақ қоялық.

- Ендеше, пәтер жалдауымыз да қажетсіз болды ғой.

- Мен шешеммен бірге тұра берейін, шешем асымды күнде дайындап беріп тұрады.

- Мен әжеммен бірге тұра берейін.

- Ендеше, некелесуіміздің қажеті қалмады ғой.

- Мен бастапқыда-ақ сөйтейік деп айтпадым ба.

- Солай, некелесу-некелеспеудің біз жөнінен алғанда, нендей айырмасы бар? - Бәрінен маңыздысы - өзара сүйіспеншілігіміз. Сен мені сүйемісің?

- Сүйемін.

- Жан-тәніңмен сүйемісің?

- Жан-тәніммен сүйемін.

Авторы: Левон Исмаилова

Дайындаған: Сұңқар Ақбоз

Сурет: life.kexue.com