Бір адам төрткіл дүниеден өзіне ғажайып өнер үйрететін әйгілі ұстаз іздепті. Көлеңкесі одан:
- Саған қандай ұстаз қажет? - деп сұрапты.
- Уақыт пен кеңістік шектемесіне төтеп бере алатын өнері бар ұстаз іздеймін.
Көлеңкесі оған былай депті:
- Іздеген ұлағатты ұстазың мен боламын.
- Қалайша?
- Қайда болса да мен иемнен екі елі ажырамаймын. Тәңертең ұзарып, түсте қысқарамын. Уақытқа ілесе өзгеріп тұрамын. Өрлі-қырлы, қыңыр-қисық жерлерде де жер бедеріне қарай құбыла білемін, - депті көлеңке.
Көлеңке иесі:
- Уақыттың өзгерісіне қалай төтеп бересің? - деп сұрапты.
Көлеңке оған былай жауап қайтарыпты:
- Өзім де, жаным да болған емес, сондықтан уақыт мені құрықтай алмайды.
Адамның ең үлкен ұстазы – өзіңіз. Өзіңіз алған білім, өзіңіз оқыған кітап, өзіңіз бастан өткерген істер. Ал көлеңке, әрине, сізбен бірге жүреді.
Дайындаған: Сұңқар Ақбоз
Сурет: websbook.com