Диетологтар қартаюды баяулататын 6 тағамды атады

Дұрыс және салауатты тамақтану - өзіңізге күтім жасаудың ең жақсы тәсілдерінің бірі. Қартаюды аздап баяулату және жастықты ұзарту үшін қандай тағамдарды жеу керек? Бұл сұраққа диетологтар мен тамақтану бойынша эксперттер жауап береді.

Авокадо

Қартаюды қаламайтындар үшін авокадо әдеттегі диетаға пайдалы қосымша бола алады, деп жазады медицина ғылымдарының докторы Лаура Бурак өзінің арықтау туралы кітабында.

"Жүрекке пайдалы майлар мен талшықтарға, В тобындағы дәрумендерге, калийге және А, С, Е және К дәрумендеріне бай авокадо еріксіз қартаю процесін баяулатып қана қоймайды, сонымен қатар бізді бақытты, жас етеді", - дейді ол.

Медицина ғылымдарының докторы Мелисса Митридің айтуынша, авокадо теріңізді таза және жарқыраған күйде ұстауға көмектеседі.

"Авокадо - бұл қабынумен күресетін пайдалы майлардың көзі, сондай-ақ құрамында денеге өлі тері жасушаларынан арылуға көмектесетін А дәрумені бар", - деп атап өтті ол.

Майлы балық

Құрамында омега-3 май қышқылдары бар балықтар – әсіресе лосось, треска, майшабақ – терінің сапасын жақсартатыны, бет әлпетін сақтайтыны дәлелденген. Зерттеулер көрсеткендей, майлы балықты үнемі тұтыну Альцгеймер ауруының даму қаупін азайтады.

Көкжидек және басқа да жидектер

Бұл А және С дәрумендерінің бай көзі, ол терінің зақымдалуына және қартаюына әкелетін қабынуды азайтады. Көкжидек, сондай-ақ құлпынай, қаражидек және таңқурай антиоксиданттарға және биоактивті қосылыстарға бай, бұл оларды қартаюға қарсы суперфудтарға айналдырады.

"Көкжидекте теріні қорғайтын арнайы антиоксидант – антоцианинді бар", - дейді Мелисса Митри.

Көкөністер

Қырыққабат, балдыркөк, және басқа да жапырақтар мен көкөністер қартаюды бәсеңдетуге көмектеседі. Диетолог Мари Раглздың айтуынша, қоректік заттар мен қабынуға қарсы қосылыстары жоғары тағамдар қартаюды баяулатады, өйткені бұл қосылыстар біздің жасушаларымыз бен ДНҚ-ны қорғайды.

"Дәрумендерге, минералдарға, талшықтарға және басқа да биоактивті қосылыстарға бай жапырақтар50 жаста бізге күнделікті қажет болатын осы маңызды қартаюға қарсы қосылыстармен қамтамасыз етеді", - дейді Рагглз.

Зәйтүн майы

Олеин қышқылы зәйтүн майының негізгі құрамдас бөлігі. Оның зерттеу кезінде жүрек ауруы, қант диабеті, семіздік және жоғары қан қысымы қаупінің төмендеуіне пайдалы екені анықталды.

Зәйтүн майындағы кейбір қосылыстар біздің терімізде кездесетіндерге ұқсайды деп саналады.

"Біздің жасушалық мембраналар зәйтүн майындағылар сияқты май қышқылдарынан тұрады. Жасушалар үнемі жаңарып отырады және жаңа сау жасушаларды шығару үшін май қышқылдарының тұрақты жеткізілуін қажет етеді", - дейді Мари Рагглз.

Тұқымдар мен жаңғақтар

Салауатты майлар туралы айтатын болсақ, жаңғақтар туралы ұмытпау керек. Олар «уақытты тоқтатуды» қалайтындар үшін қолайлы диетаға тамаша қосымша.

"Жаңғақтар мен тұқымдар - жүрекке пайдалы омега-3 май қышқылдарына және Е дәруменіне бай өсімдік негізіндегі тағам, ол сау, жас теріні сақтауға көмектеседі", - дейді Лаура Бурак.

Е дәрумені терімізді қалпына келтіруге және оның серпімділігін сақтауға ғана емес, сонымен қатар қартайған сайын жалпы денсаулықты сақтауға көмектеседі.

Біздің ағзамыздағы қабынудың жас ұлғаюымен жоғарылайтыны дәлелденді. Ал Е дәруменінің қарттардың денсаулығына әсері туралы зерттеуге сәйкес, ол қабынуды азайтады, иммундық жүйемізді және қартайған сайын метаболизмді жақсартады.