Мигель де Сервантестің сүйегі табылды

18 наурыз 2015, 19:01

Әйгілі «Дон Кихот» шығармасының авторы Мигель де Сервантестің сүйегі табылды, – деп жазады 24.kz.

Мамандар үлкен олжаны Мадридтегі монастырьлердің бірін зерттеу кезінде тапқан. Аты аңызға айналған жазушының қай жерде жерленгенін 400 жыл бойы ешбір жан білген жоқ. Жыл басында Киелі үштік ордені шіркеуінің астына түскен ғалымдар «М» және «С» әріптері ойылып жазылған қабірді тауып алған. Сөйтіп, археологтар дереу мәйіттің кімдікі екенін анықтауға кірісіпті. Ғалымдардың айтуынша, қабірдің ішіндегі заттар XVI-XVII ғасырларда өмір сүрген жазушыға тиесілі.

сурет: 24.kz

Е. Қайрахан