- Негізгі бет
- Жаңалық
- «Еліме келіп елеулі...
«Еліме келіп елеулі болдым» атты ақындар мүшәйрасы өтеді
2015 жылдың 14 наурызында сағат 11.00-де Ө.Жолдасбеков атындағы Студенттер сарайында «Еліме келіп елеулі болдым» деген атпен патриоттық концерт өтеді. Атажұртына сырттан келген барлық қандастарымыздың басын қосып, халқымыздың бірлігі мен ынтымағын насихаттайтын бұл шараға ұлттық ән-би өнерінің шеберлері қатысады. Ұйымдастырушылар алқасы патриоттық концерт қарсаңында жасы 40-қа дейінгі ақындар арасында мүшәйра өткізеді.
Бәйгенің мақсаты: Атажұртқа табан тіреп, әлемнің өзге мемлекеттерінен келген қандастарымыздың рухани жан дүниесін жалпы қазақ даласына паш ету. Ұлтымыздың киелі әдеби қазынасына Тәуелсіз елдің поэзиялық тың туындылары мен жыр жауһарларын қосу, жаңа заманның үнін халыққа жеткізу. Жас ұрпақ бойында Отанға, Туған жерге, Туған тарихқа деген сүйіспеншілікті арттырып, патриоттық рухты көтермелеу.
Бәйгенің шарттары: Қатысушы ақынның жас мөлшері 40-тан аспауы керек. Автордың қысқаша өмірбаяны, мекенжайы мен байланыс телефоны. Ұсынылатын тақырыптар үшеу: «Қазақ хандығының 550 жылдығы», «Атажұртқа оралған ағайынның Отанға деген сағынышы мен махаббаты, Туған жерді жырлау» және «Еркін тақырып». Шығармалар (А-4 форматта) 14-кегельмен (аралық – 1) теріліп, 6 беттен аспауы тиіс. Әр тақырыпқа бір өлең.
Бәйге қоры:
Бас жүлде – 300 мың теңге.
1 орын – 200 мың теңге, І-дәрежелі диплом.
2 орын – 100 мың теңге, ІІ-дәрежелі диплом.
3 орын – 75 мың теңге, ІІІ-дәрежелі диплом.
Ынталандыру сыйлығы (екеу) – 50 мың теңгеден.
Шығармалар 2015 жылдың 10 наурызына дейін қабылданып, 14 наурыз күні Ө.Жолдасбеков атындағы Студенттер сарайында ел алдында марапатпен тапсырылады.
Бәйгеге ұсынылатын шығармалар мына электрондық адреске жолдануы тиіс: muza.kz_2015@mail.ru
Байланыс телефондары: 8 701 843 66 76, 8 705 131 02 22.
Cурет: Досжан Балабекұлы
Ұқсас жазбалар:
«Біз жанбасақ лапылдап...» атты республикалық жас ақындар мүшәйрасы өтеді
Қазақ хандығының 550 жылдығына орай "Ел мен Ер" атты халықаралық мүшәйра өтеді
Ш. Талап