Шырша жасау. Шебердің кеңесі

21 желтоқсан 2012, 19:01

Сева Демидов – алматылық суретші. Суретші болғанда да, өзгеше ойлы, таңғажайып дүниелердің авторы.

Түр-сипатына қарап отырып, жеңілтектеу, еркелігінен арылмаған біреу дерсің. Жо-жоқ, мен онымен танысқаныма 2 жылдай уақыт болды. «Бөбек» институтының әлеуметтік-педагогикалық қызметінде жүргенімде ай сайын дәстүрлі түрде өтіп отыратын республикалық шығармашылық студиялар өткізетінбіз.

Еліміздің әр аймағынан келетін 100-ге таяу дарынды бала шабытын шыңдап, ару қала Алматымен танысып қайтады. Міне, сонда ғой, жас суретші, қолөнершілерді жинаған кезімізде шеберлік сыныптар өткізетін тұрақты тұлғамыз осы – Сева Демидов болды. Оның педагогикалық талантының, асқан біліктілігінің арқасында қаншама бала әсер алды десеңші. Оларға өнердің не екенін де ұқтырған осы бір тұлға болатын.

Шыршасыз шырша. Севаның тағы бір ерекшелігі - тәжірибе жасаудан қорықпайтындығы...

Орыс тілді газеттердің жұлдызына айналған Сева қоғамдағы, өнердегі әрбір жаңалығымен ұзатпай-ақ БАҚ бетінде көрініп отырады. Сырттай бақылап жүріп, оның расында да өнер адамы екенін ұқтым десем, артық емес шығар. Қолөнер шеберлігі де бір өзгеше, тым асыра сілтеушіліктен қорықпайтын, дәстүр мен новацияның элементтерін сәтті қолдана білетін ол жаңа жылдың ең үздік деген шыршаларын жасапты.