Салмағыңыз қандай болуы керек?

Арықтау - әр қызды толғандыратын мәселе. Алайда сіздің салмағыңыз қандай болуы керек? Диеталар мен ауыр жаттығулар жасаудан бұрын, сіз үшін "мінсіз" салмақтың шамасын біліп алған дұрыс.

"Мінсіз" салмақ деген не? Бұл сіздің деніңіз сау болуға жеткілікті салмақ шамасы. Нормадағы салмақ дененің дұрыс дамып, жұмыс жасауына әсерін тигізеді. Өзіңізді жақсы сезініп, теріңізбен артық қиындықтарыңыз болмайды, уақыттан бұрын шаршамай, жалпы сымбатты көрінесіз.

Математика... "Мінсіз" салмақтың шамасын білу үшін, өзіңіздің дене массаңыздың индексін есептеңіз. Бұл сан сіздің қай салмақ санатына жататыныңызды көрсетеді. Шаманы мына жерде есептеп алсаңыз болады. Ең дұрыс ДМИ 18,5-24,9 арасында. Сіздің ДМИ-ңіз 25-тен асса, салмақтың тым артық болуы, 18-ден кем болса, тым аз екенінің белгісі. 

Әрине, бұл есептеу арқылы диагноз қоюға болмайды. Шама тек өзіңізді тексеруге арналған. Ол арқылы салмақты тек болжап есептеуге болады. Себебі бұл шама сіздің табиғатыңызға тән ерекшеліктерді есепке алмайды. 

Егер ДМИ шамасы нормадан сәл аутқыса, дереу қатаң диетаға отырудың қажеті жоқ. Әрине тамақтанудағы рационыңызды сәл өзгерту керек. Көкөністер мен жемістер, майлы емес, буда пісірілген тағамдарды таңдауға тырысыңыз. Жаттығуларды да күнделікті өмірге қосуды ұмытпаңыз.

Дайындаған: Сания Аринова

Сурет: cosmo.kz