Жүгірудің 10 пайдасы

Жүгірудің адам денсаулығына пайдасы өте көп. Оны жүгіруді әдетке айналдырған адамдар да мойындайды. Сол себепті сіздердің назарларыңызға күнделікті жүгірудің 10 пайдасын ұсынғымыз келіп отыр. Олар төмендегідей:

1. Жүрегіңізді қатайтады.

Күніне 10 минут жүгірудің өзі сізді жүрек-қан тамыр ауруларынан аман сақтап қалады.

2. Көңіл-күйіңізді көтереді.

Жүгіру кезінде қуаныш пен ләззат алу гормонын сезінесіз.

3. Буындарыңызды қатайтады.

Жай жүрістен гөрі жүгірудің пайдасы көбірек. Өйткені остеоартроздың алдын алып, буындарыңызды қатайтасыз.

4. Калорияңызды азайтасыз.

Жарты сағат жүгіріп, көптеген калориядан құтыла аласыз. Ал егер желге қарсы немесе тауға қарай жүгірсеңіз, онда одан да көп калорияңызды азайтуға болады.

5. Аяғыңызды әдемі етеді.

Жүгіру барысында аяғыңыздың барлық буыны жұмыс жасайды. Сондықтан ол әдемі әрі тартымды көрінеді.

6. Ішіңізді қатайтады.

Жүгіру арқылы ішіңіздегі артық майдың бәрінен оңай арыласыз. Сонымен қатар ішектерңіздің құрылысы мен қызметін жақсартады.

7. Жұмыс тәртібі күрделі адамдарға да келе береді.

Жұмыстан қолдары босамай, жаттығу залына баратын уақыт таппай жүрген жандарға да ыңғайлы. Өйткені 10 минут жүгірудің өзі сіздің денсаулығыңызға көп әсерін тигізеді.

8. Төзімді қылады.

Жүгіруді күнделікті әдетке айналдырған адамдардың айтуы бойынша, жүгіру адамды төзімді қылатын қасиетке ие екен.

9. Медитация секілді әсер етеді.

Көптеген жүгіруші жүгіру кезінде белгілі бір мәселеге сырт көзбен қарап, одан шығудың оңай жолын табуға мүмкіндік болатынын айтады. Оған қоса жүгіру күйзелістен құтылуға көмектеседі.

10. Қалаған уақытыңызда айналыса аласыз.

Би, жүзу, ауыр атлетика секілді спорт түрлерінің белгілі бір тәртіптері бар. Ал қалаған уақытыңызда жүгіруге сізге ешкім кедергі келтіре алмайды. Тіпті дәл қазір жүгірсеңіз де өзіңіздің еркіңізде.

Бұл жазбамызды оқи отырып, сіздің де жүгіруге көңіліңіз оянған шығар. Салауатты өмір салтын ұстанып, жүгіруді жаныңызға серік етіңіз. Достарыңызбен бөлісуді ұмытып кетпеңіз.