Деніңіз сау болса да, дәріханадан алу керек бірнеше зат

Бет терісі мен қолдар әрдайым күтімді қажет етеді. Кейбір кездері олардың күтіміне мыңдаған ақшамызды құртып жатамыз. Негізінде мәселелердің алдын алу үшін арзан, қолжетімді заттар дәріханада да сатылады екен.

1. Қарамайлы сабын. Көбінесе безеулерге қарсы пайдаланылатын табиғи антисептик. Бетті жуғанда өте абай болу қажет – қатты құрғатады, ал безеулі арқа мен иықтар үшін өте қолайлы.

2. Түрлі эфир майлары. Безеулерге қарсы шай ағашы майын, ал тырнақ еттерінің қатаюына бадам майын пайдалануға болады. Суық тигенде эквалипт майын ыстық суға тамызып, мұрын, тамаққа ингаляция жасайды. Түрлі майлардың пайдасы жайлы ақпаратты ғаламтордан оқып көріңіз.

3. Ксилометазолины бар мұрынға тамызатын арзан тамызғыштар (Галазолин, Ксилен). Маңызды шараларға барарда безеулерге жағып қойсаңыз, екі-үш күнге қызарғанын басады.

4. Бір киіп, қарауға арналған перчаткалар. Қарапайым еден жууға арналған перчаткалар ұнамаса, осы перчаткаларды пайдалансаңыз болады.

5. Пипеткалар мен шприцтер. Көз айналасына май жаққанда, аяқ немесе қол тырнақтарына эфир майларын жаққанда пипетканы пайдаланыңыз. Инесіз шприц түрлі майларды араластыруға немесе шаш арасына май жаққанда ыңғайлы.

6. Радевит/Бепантен. Бұл майлар тез сіңіріледі және тез жазады.

7. Регецин. Безеулерге қарсы ең қолайлы май және макияждың астына жағылады.

8. Эмла. Ауруды басатын крем. Қас жұлғанда, жалпы эпиляция жасау алдында теріге жағып қоюға болады.

9. Балшық. Бет терісіне арналған маскалар жасауға керек. Көк балшық теріні ағартып, комедондарды шығарады. Қара балшық теріні сергітіп, тегістейді.

10. Шөп жиыны. Шөптен жасалған шайды ұнататындар. Сонымен қатар шөп қайнатпасынан мұз жасап, бетке жаққан да пайдалы.

11. Мумие. Шашыңыз түсе беретін болса, сусабынға араластырып, шашқа жағуға болады.

Сурет: digitaleastasia.com

Дайындаған: Анар Мұстафина