Бүгінде қазақ эстрадасының көгінде жұлдыздары жарқырап, көпшіліктің көзайымына айналған МузАрт тобының құрылғанына 10 жылдан астам уақыт өтіпті. Осы уақыт аралығында тыңдармандарына әсем әндер сыйлап жүрген МузАрт тобының өнер сүйер қауым үшін алатын орны ерекше. Аталмыш топ өнер әлемінде өз орнын тауып, халықтың үлкен қошеметіне бөленіп, көпшіліктің қуанышына айналып үлгерді. Біздің елімізде бір рет жарқ етіп, ертесіне-ақ ұмыт болып жататын ән де, әншілер де аз емес. Дегенмен, қазіргі таңда, қазақ эстрадасындағы әншілердің көпшілігі өздерінің әндерін ертеңгі ұрпаққа асыл мұра болып қалу үшін көп еңбекті қажет ететіндігін жақсы біледі. Осы мақсатта, өзге топтардың арасынан аталмыш топтың суырылып алға шығып, үнемі ізденіс үстінде жүретіндігін айтпай кету мүмкін емес. Топтың орындауындағы әндердің бірі Не деген көркем едің? деген туындыға түсірілген бейнебаянды назарларыңызға ұсынамыз.