Қазақ эстрадасының ең әдемі аруларының бірі Мадина Садуақасова тың идеялы жаңа бейнебаянын халыққа ұсынды. Аталған клиптің әсерлі шығуына украиналық режиссер Радислав Лукиннің де қосқан өзіндік үлесі бар. Сырттан арнайы алдырған маманның жұмысына көпшілік қауым оң бағасын беріп, Мадина Садуақасоваға түрлі пікірлермен құттықтаулар жаудырып жатыр. Сезім қайда деп аталатын клипте әннің аты айтып тұрғандай сүйгенінен айырылып қалған баянсыз махаббат көрсетіледі. Бейнебаян ішіндегі көріністің басты рөлін әнші өзі сомдаған. Көптен күткен Мадина Садуақасованың жаңа клипін тамашалаңыздар.