Қазақстандық Moldanazar музыкалық тобының Сенің жаныңда әніне түсірілген бейнебаяны көрермендер көңілінен шығуда. Бірнеше күн бұрын ғана Youtube желісіне жүктелген ән 60 мыңға жуық көрілім жинап үлгерген. Кей оқырмандар бейнебаян сюжетін шағынметражды фильмнен кем көрмейді. Үлкен қалаға келген топ өнерлерінің арқасында әп сәтте танымал болып шыға келеді. Ал бейнебаяндағы махаббат оқиғасы басты кейіпкердің ойда-жоқта жақсы көрген қызының тойына келіп ән айтқалы тұрған жерінен аяқталады. Көріп, бағасын беріңіздер.