Айдана Меденова – Мінәжат

Тұра берсін жерім аман, тауым да аман;

Аман жүрсін досым да, жауым да аман;

Адам түгіл, шөптер мен жәндіктердің,

Қиналғанын сезіну – ауыр маған...

Қайырмасы 

Өткереді не зұлмат, құйынды адам,

Елім аман болсыншы, үйім де аман.

Мына сұлу ғаламды сақта, Құдай,

Сол болсыншы беретін сыйың маған!

Көңілім бар ешкімге тарылмаған,

Аман болсын жат адам,

бауыр да аман,

Адам түгіл, тұп-тұнық мына аспаннан,

жұлдыз ағып құласа  ауыр маған...

Қайырмасы 

Өткереді не зұлмат, құйынды адам,

Елім аман болсыншы, үйім де аман.

Мына сұлу ғаламды сақта, Құдай,

Сол болсыншы беретін сыйың маған!

Шаршасам да қуатты дауылдардан,

Жауындардан беймезгіл сауылдаған.

Бәріне де көнер ем, тек сәбидің,

Жаутаңдаса жанары – ауыр маған...

Қайырмасы 

Өткереді не зұлмат, құйынды адам,

Елім аман болсыншы, үйім де аман.

Мына сұлу ғаламды сақта, Құдай,

Сол болсыншы беретін сыйың маған!

Бөлісу:
Пікір қалдыру үшін сайтқа кіріңіз
Өзгерту