Қазақстандық кәсіпқой боксшы Геннадий Головкин спорттық мансабында 35 жекпе-жек өткізіп, барлығын жеңіспен аяқтады. Оның 32-де қарсыласын мезгілінен бұрын жеңген. 2006 жылы спорттық мансабын бастаған отандасымыз бүгінде орта салмақта WBA (Super), WBС (Interim), IBF және IBO нұсқалары бойынша әлем чемпионы атағына ие. Назарларыңызға Генаның спорттық мансабындағы барлық нокдаун мен нокауттарын ұсынамыз.
Айта кетейік, GGG соңғы жекпе-жегін 24 сәуір күні өткізіп, америкалық Доминик Уэйдті жеңген болатын. Осы жылдың соңына дейін қазақстандық боксшы мен оның жаттықтырушылары екі жекпе-жек өткізуді жоспарлап отыр.