Қола медаль қоржында

Қола медаль қоржында

Алматыда бендиден өтіп жатқан әлем чемпионатында ұлттық құрамамыз қола медальді қоржынға салды. Үшінші орын үшін Алексей Никишовтың шәкірттері Финляндия құрамасымен сынға түсіп, нәтижесінде жігіттеріміз қарсыластарын 10:5 есеппен тізе бүктірген болатын. Айта кететін жайт, жігіттеріміз қола медаль үшін сынға түсетінін кездесуге жарты-ақ сағат қалғанда ғана білген. Бұған қарамастан, бендишілеріміз бірінші таймда әдемі өнер көрсетіп, 4:2 ұпаймен алға шықты. Бірақ бұл нәтиже спортшыларымызға аз көрінген сыңайлы, Алексей Никишовтың шәкірттері қанқызумен қарсыластарының қақпасына тағы 6 доп кіргізіп, қола медальға қол жеткізді. Финляндия құрамасы екінші таймда  қақпамызға тек 3 доп кіргізе алды.

Естеріңізге сала кетсек, кеше, яғни ақпанның төрті күні, ақтық сынға  жолдама алу үшін бендишілеріміз Швеция құрамасымен таяқ түйістіріп, есепті 4:4 ұпайымен аяқтағанымен, жігіттеріміз пенальтиден жеңілген.

Ақпарат көзі http://tengrinews.kz