Дмитрий Баландин Токио Олимпиадасы жүлдесінен үміт үзді

Фото: Тұрар Қазанғапов

28 шілде 2021, 08:35

Қазақстандық жүзгіш Дмитрий Баландин Олимпиада ойындарының финалына шыға алмады. Нәтижесінде Токиода жүлделі орыннан көріну мүмкіндігінен айырылды.

200 метрге брасс әдісімен жүзуде отандасымыз жартылай финалда сүрінді. 2:09.22 минут уақыт көрсеткішімен өз тобында 7-ші орыннан көрінді. Бұл нәтиже финалға шығуына мүмкіндік бермеді. Жалпы есепте 11-орынға тұрақтап, финалдық кезеңде бақ сынайтын 8 спортшы қатарына қосыла алмады.

Дмитрий Баландин 2016 жылғы Рио Олимпиадасында дәл осы қашықтықта топ жарған. Токиода чемпиондық атағын қорғап қала алмады.

Н. Үсенова