Өмірлік мәні бар үш тәмсіл

Үш кісі тас қопарып жатты. Біріншісінен не істеп жатқанын сұрағанда, ол маңдайдағы терін сүртіп:

– Бүкірленіп барамын,– деді. Ал екіншісі бұл сұраққа жеңін қайырып тастап, маңызды түрмен:

– Нәпақамды тауып жатырмын,– деп жауап берді. Ал үшінші адамға келіп:

– Не істеп жатырсыз? – деп сұраса, ол жоғары қарады да:

– Орда тұрғызып жатырмын, – деді сабырлы үнмен.

Барлық тіршілік иесі құмырсқадай қыбырлауды біледі, алайда олардың алға қойған мақсаты кім екенін көрсетіп, болашағынан хабар береді.

* * *

Фермада ауырып қалған жылқыны көрген мал дәрігері:

– Егер таңертең орнынан тұра алмаса, арам қатпай тұрғанда сойып алу керек,– дейді.

Таң атты. Жылқы сол күйі орнынан тұра алмады. Жанында жатқан қой:

– Тұр енді, әйтпесе құрбан боласың,– деді қарап жатпай.

Жылқы орнынан қарғып тұрды. Мал дәрігері:

–  Міне, ғажап! Мұны атап өту керек. Осындай қуанышты жай үшін қойды сойсақ болады...

Мұрны сыймайтын жерге басын сұғып, өзі қатысы жоқ іске киліккеннің ақыры осындай болады.

* * *

Қаладағы атақты миллионер таксимен келе жатады. Ол таксиге бір артық, бір кемсіз тура километр есептегіш көрсеткендей ақы төлейді.

Таксист:

– Мен күні кеше ғана сіздің ұлыңызды жеткізіп салдым. Ол маған шай пұлға 100 доллар қалдырған еді.

– Енді не дейсіз? Ол миллионердің баласы, ал мен жетімекпін,– деп жауап қатты бай.

Тапқан табысына тері сіңген жан ғана байлықтың бағасын біледі.