Әр адам өзінше философ. Әркім өмірді өзінше түсініп, өзінше бағамдайды. Ал Асланның ойлары мүлде өзгеше. Оның ерекше ой-пікірлері кімді болсын бей-жай қалдырмайды. Оқыңыз, ой бөлісіңіз. Мархабат!
*** *** ***
• Баука өмірде баланс бар дейді. Яғни, жердің бір жерінде біреу баланс жоқ деп жатыр.
• Мылқау адамға да тіл байлық керек.
• Дон Жуан Жан-Батист Мольердің кейіпкері ғана.
• Марқабаев фантастика туралы 2 докторлық жаздым деп, фантаст екенін дәлелдеді.
• Бетховен қазақ болса, мүлде танымал болмас еді.
• Барлық жындыларды, қайыршыларды және алқаштарды 18 қараша, яғни, «Бүкіләлемдік философтар күнімен» құттықтаймын.
• Театрда нағыз қатын болатын қыздармен танысуға болады.
• Мұғалімге Баука романтизм деген нәрсені ақылмен емес, жүрекпен қабылдау деп түсіндіріп еді, мұғалім сол нәрсені жүрекпен емес, ақылмен қабылдап қойып бал қоймады.
• Шығармаң күлкіге қалмау үшін комедия жанрында жазу керек.
• 1 курста Дәулет менің өлеңдерімді оқып, ақын болғысы келмей кетті. Мен Дәулеттің өлеңдерін оқып ақын болғым келіп кетті.
• Бір адамның тамағы екі адамға жетеді. Екі адамның тамағы бір адамға жетпейді.
• Бір мұғалім айтады:
- Сен олай маған мінезіңді көрсетпе! Сенде бар мінез менде де бар!
- Әй, қайдам.
• Париж қаласында Лондон көшесі бар.
• Бүкіл аудиторияны ең алда тұрған мұғалім мен ең артта отырған студент қана көре алады.
• Кез келген нәрсе жоғаларының алдында бар болады.
• Ақын болу – жоқ аурумен ауыру. Кемінде өмір бойы.
• Гендерлік саясат толық жеңіске жете алады. Ол үшін еркек атаулы болмау керек.
• Мен философия пәніне барғым келмейді. Ол жерде менің философиямнан артық ештеңе айтпайды.
• Адамзат өзінің ойлап таба алмайтын нәрсесін де ойлап тапқан. Оған «ойлап табылмайтын нәрсе» деп ат қойған.
• Біздің топқа Құқық пәнінен беретін апайдың көзі әдемі. Жай айтқаным ғой.
• Қоқыс жәшігі – сол үйдің тұрмыстық музейі.
• Бір досым маған ылғи қиялисың деп айтады. Өйткені, өзінің қиялсыз екенін айтқысы келмейді.
• Мен өмірімде бір ғана адамды «данышпан» ретінде амалсыз мойындап, солай атадым. Өйткені, оның аты Данышпан болатын.
• Өмірдің қадірін шын түсіну үшін өліп көру керек. Жоқ дегенде бір рет.
• Мен вальс дегенге жыным келеді. Ең керемет жерге келгенде бітіп қала береді.
• Кештерде мүлде билемей тұрған адамдарды қатты сыйлаймын. Себебі, мен солардың бірімін.
• Анекдот – айтып жатқан адамға қарап кез-келген нәрсесіне күле беруге болатын бірден-бір мүмкіндік.
• Басымда екі орай бар деп қуанбау керек. Қыздар біліп қойса, қатынсыз қаласың.
• Ақынға қатын болу – ақын өлгенше азап, ақын өлген соң ғажап.
Жас ақын Аслан Қаженов әл-Фараби атындағы Қазақ ұлттық университетінің журналистика факультетін тәмамдаған. «Туалеттегі туынды», «Қоқыс жәшігі» жыр жинақтарының авторы.
• «Хэллоуин» күнін адамдар өзідерінің тым қорқынышты еместігін көрсету үшін ойлап тапқан.
• Ең жақсы нәрсе – ақындыққа ғашық болу, ең жаман нәрсе – ақынға ғашық болу.
• «Қазақ әдебиеті әлем әдебиеті деңгейіне жете ала ма?» деген сұрақтың екі ғана жауабы бар. Иә және жоқ.
• Оңға бұрыла алмасаң, үш рет солға бұрыл.
• Мен студент ретінде үнемі үш нәрсені ойлаймын: біріншісі - ұйқы, екіншісі – тамақ, үшіншісі – тамақ.
• Адамдардың ақшаға деген құнығушылығын тоқтатып, материалистік ашкөз көзқарастарын жойғым келеді. Бірақ оған да ақша керек.
• Адамзаттың мені таңқалдыратын ештеңесі жоқ екеніне таңқаламын.
• Адамдар қызық. Өздеріне өздері сұрақ қояды, өздеріне өздері жауап береді.
• Жұмыс – адамдардың іші пыспау үшін ойлап табылған ермек.
• Наушник (қазақшасын білмеймін) әуен тыңдығысы келгеннің қасындағы адамдардың мазасын алмау үшін ойлап табылған. Олардың жүйкесін жегідей жеу үшін.
• Ең бастысы – ең бастысы.
• Көзі қисық (қыли) адамдар – ең бақыттылар. Өмірді түзу көре алады.
• Қазақпын десең, өзіңе тиеді, өзбекпін десең, өзгелер тиіседі...
• Ұйқым келгенде тамақ ішкім келмейді. Себебі, тамақ ішпесем ұйқым келмейді.
• Айнаға қараймын, бірақ өзімді көремін.
• Нағыз философтар жындыханада.
• Біз бір тәулікте 24 сағат қана өмір сүреміз деп ойлаймыз.
• Ең тәтті жеміс-жидек сатушы ең шірігендерін ғана жейді.
• Емтихан – студенттер 100 пайыз қатысатын бірден-бір сабақ.
• Болатын нәрсе болады. Одан артық та болмайды, кем де болмайды.
• "Демократия жоқ!" дегеннің өзі демократия бар деген сөз.
• Театр ғана - нағыз театр.
• Мифке мифтік тұрғыдан қарау арқылы миф ретінде қабылдаймыз.
• Жастар бұзылмайды. Қарттарға ақыл кіреді.
• Әділдік жоқ өмірде әділетсіз боп көріну өте қиын.
• Тәуелсіз БАҚ-тың өзі тәуелсіздікке тәуелді.
• Адамды өлгенде орайтын ақ матада қалта жоқ.
• Қыздар қыздардың рөлін шебер ойнайды.
• Өз суретінен өзін таныған адам-ең ақымақ адам.
• Носкиім жыртылмау үшін жыртық носки киемін.
• Аяқ киімнің ең лас жері - табаны. Бірақ біз үстін ғана тазалай береміз.
• Барлығы тамақ ішпесе, өлетінін біледі. Бірақ, тамақ ішеді.
• 8 наурыздағы мейрамды гүл сатушылар ойлап тапқан.
• Ерекше адамдарды қалған адамдар не жынды, не ұлы деп қабылдайды.
• Ең ұсақ деген сөздің өзі 6 әріптен тұрады.
• Бір күн күн шықпай қойса екен. Адамдар ойланар еді.
Дайындаған: Шерхан Талапұлы
Сурет: angarsk.bezformata.ru, yvision.kz