Назарларыңызға ұлы ақын, ойшыл Абай Құнанбаевтың даналық сөздерін ұсынамыз.
***
Ұйықтап жатқан жүректі ән оятар,
Әннің тәтті оралған мәні оятар.
***
Құлақтан кіріп бойды алар,
Жақсы ән мен тәтті күй.
Көңілге түрлі ой салар,
Әнді сүйсең менше сүй.
***
Бөтен сөзбен былғанса сөз арасы,
Ол –ақынның білімсіз бишарасы.
***
Ұстаздық еткен жалықпас,
Үйретуден балаға.
***
Естілердің айтқан сөздерін ескеріп жүрген кісі өзі де есті болады.
***
Тегінде адам баласы адам баласынан ақыл, ғылым, ар, мінез деген нәрселермен озады. Одан басқа нәрсемен оздым ғой демектің бәрі де – ақымақшылық.
***
Егер жаманшылықты көп қылған болсаң, балаңның оқыған құраны сені неге жеткізеді?
***
Баланың мал табары болады, мал шашары болады.
***
Өзің мал таба алмасаң – балаң мал тапсын.
***
Анттың, серттің, адалдықтың, ұяттың бір тоқтаусыз кеткені ме?!
***
Иман – парыз
***
Иман сақтауға –қорықпас жүрек,
айнымас көңіл, босамас буын керек.
***
Тірі адамның жүректен аяулы жері бар ма? Рақымдылық, мейірбандылық, әр түрлі істе адам баласын өз бауырым деп, өзіне ойлағандай оларға да болса игі еді демек – бұлар жүрек ісі. Асықтық та – жүрек ісі.
***
Тіл жүректің айтқанына көнсе –жалған шықпайды.
***
Адам ақылсыздығынан азбайды, ақылдының сөзін ұғып аларлық жүректе жігер, қайрат, байлаулылық жоқтығынан азады.
***
Есті кісілер үлкен есі шықпай, ақылды қолдан жібермей, бойын сынатпай жүріп ізденеді.
***
Құдайшылық – жүректе. Қалпыңды таза сақта !
***
Мырзаларды мақтайын десең, осы күнде анық мырза елде жоқ, мал бергіш мырзаиттен көп.
***
Болыс пен биді құрметтейін десең, құдай берген болыстық пен билік елде жоқ. Сатып алған, жалынып, бас ұрып алған болыстық пен биліктің ешбір қасиеті жоқ.
***
Үш-ақ нәрсе адамның қасиеті: ыстық қайрат, нұрлы ақыл, жылы жүрек.
***
Көптің аузын күзетіп күн көре алмайсың
***
Жігітті жұрт мақтаған – қыз жақтаған.
***
Жақсы дос – білген сырын сыртқа жаймас.
***
Досы жоқпен – сырлас, досы көппен – сыйлас.