Қытайдың LinkSure Network интернет-провайдері 2019 жылы LinkSure №1 деп аталатын жасанды серікті ұшыруды жоспарлаған. Осы арқылы олар 2026 жылға қарай бүкіл әлемді тегін интернет қызметімен қамтуды көздеп отыр.
Компания аталған жобаны іске асыру үшін 272 жасанды серікті ғарышқа шығарады, ол үшін 3 миллиард юань (431,1 миллион доллар) шығындауға дайын.
«Бұл жоспарымыз арқылы Жер шарындағы барлық адамды, әсіресе, дамымай қалған елдер мен адам аяғы жетуі қиын жерлерді интернет қызметімен қамтуды көздеп отырмыз», – деді компания президенті.
Жақында ғана SpaceX компаниясы АҚШ-ты тегін интернетпен қамтамасыз ету үшін АҚШ федерал коммисиясынан 7518 жасанды серікті ұшыруға рұхсат алған еді. 3 желтоқсан күні соның 64-ін кеңістікке сәтті алып шықты.