Қытай сағатына 350 км жылдамдықпен қозғалатын жүк пойызын құрастырды

Таншан локомотив зауыты сағатына 350 км жылдамдықпен жүретін жүк пойызын жасап шығарды. Бұл туралы Синьхуа агенттігі мәлімдеді.

Қытай осындай жылдамдықпен жүк тасымалдауды жүзеге асырған әлемдегі бірінші ел болды, бұл Қытайдың теміржол жабдықтары саласындағы тәуелсіз инновациялық мүмкіндіктерінің айтарлықтай жақсарғанын білдіреді.

Локомотивтің пішіні қытайдың бекіре балығы түрінде жасалған, бұл оның аэродинамикалық қасиеттерін жақсартады.

Пойызды дамытуда UWB кең жолақты байланыс технологиясы, мобильді деректерді беру желісі және Beydou навигациялық жүйесі қолданылды.

Аталмыш пойыз жүкті алыс қашықтыққа жеткізу үшін қолданылады.