Қазақстан ойын өндірісі рейтингінде үздік 50 елдің қатарына енді

Newzoo сараптамалық компаниясы 2018 жылы компьютер ойындарын сатудан ең көп пайда түсірген елдердің рейтингін түзді.

Қазақстан бұл тізімде 44-орынға жайғасқан. Newzoo компаниясының мәліметіне сүйенсек, елімізде 18 миллион халықтың 15 миллионы ғаламторда белсенді екен. Өткен жылы Қазақстан халқы компьютер ойындарын сатып алу үшін $207 миллион қаржысын жұмсаған.

Үздік бестік Қытай, АҚШ, Жапония, Оңтүстік Корея және Германия кірген. "Аспан асты" елі компьютер ойынын сатудан $34,4 миллиард қаржы түсірген. 3 миллиард долларға аз кіріс түсірген Америка Құрама Штаттары екінші орынға тұрақтады. Үздік үштікті "күн шығыс" елі ($17,5 млрд) түйіндеді. $5,7 миллиардпен Оңтүстік Кория 4-ші, 4,9 млрд табыс тапқан Германия 5-ші сатыда. Рейтингіде ТМД елдерінің ішінде ең жоғары нәтижені Ресей көрсеткен. Солтүстік көршіміз комьютерлік ойын үшін қалтасынан $165,7 миллионын шығындаған.

Бұған қоса, Newzoo компаниясы смартфон қолданушылардың санын есептеген. Қазақстан халқының 12 миллионы смартфонды қолданады екен. Бұл көрсеткішпен біздің ел рейтингіде 39-шы орынға тұрақтады. Көш басында - Қытай елі. Шығыс көршімізде 782 миллион смартфон қолданушылары бар екен.

Newzoo - киберспорт және ойын өндірісінде көшбасшы сарапталық компаниялардың бірі. Нарықтағы пайданың тең жартысы (49%) - смартфон мен планшетке келеді екен.