Ұлыбританияның Engineered Arts компаниясы инженерлері сырт келбеті адамнан айнымайтын робот жасап шығарды. Фред деген есімді иеленген роботтың шашы ақ, жүзі қызылшырайлы. Орта жастағы ол адамдар назарын өзіне аудармау үшін барынша қарапайым киінген. Engineered Arts компаниясы бұдан бұрын да адамдар демалатын саябақтарға арнап роботтар жасап шығарған болатын. Фред оларға мүлде ұқсамайды. Жабайы батыс әлемі сериялының жаңа бөлімі үшін жасалған Android контструкциясы негізінде құрастырылған. Инженерлер Фредке адамдармен сөйлесе алу мүмкіндігін де қосқан. Ол көзін тынбай жыпылықтату, есінеу, тынымсыз сөйлеу қабілетіне ие. Фредті жасауға 12 апта жұмсалған. Мыңдап жазылған бағдарламалардан бөлек инженерлер осы уақыт аралығында Фредтің қаңқасын жинап, акрилден көз қойып, сырт келбетін адам кейпінен аумайтындай етіп жасауға тырысқан. Фредтің прототипі 55 жастағы лондондық актер Тедрой Ньюэлл.