WhatsApp қазан айынан бастап кейбір iPhone үлгілерінде жұмыс істемейді

Фото: enews.hamariweb.com

07 қыркүйек 2022, 10:33

2022 жылдың қазан айынан бастап WhatsApp мессенджері кейбір Apple смартфондарында жұмыс істемейді. Бұл туралы Gizchina порталы хабарлады.

WhatsApp iOS 10 және 11 операциялық жүйесі бар iPhone үлгілеріне бағдарламалық жасақтаманы кем дегенде iOS 12 нұсқасына жаңарту туралы хабарлама жіберетіні атап өтілген.

Бағдарламаны жаңартпаған пайдаланушылар 24 қазаннан бастап мессенджерді пайдалана алмайды.

Бұл ретте iPhone 5 және iPhone 5C смартфондарының бағдарламалық жасақтамасы iOS 12 нұсқасына дейін жаңартылмайды. WhatsApp қазан айынан бастап бұл смартфондарда жұмыс істемейді.

Т. Раушанұлы