Apple компаниясы өзінің жеке әлеуметтік желісін ашады

Apple компаниясы Facebook, Snapchat және Instagram әлеуметтік желілерінің негізінде өздерінің жеке әлеуметтік желісін дайындап жатыр.

Apple қызметкерлерінің айтуынша, жаңа бағдарлама қолданушыларға видеороликтерді түсіріп, өңдеп және оны басқа да қолданушылармен бөлісе алуға мүмкіндіктер береді. Басылымның мәліметінше, бұл қосымша танымал Facebook, Snapchat және Instagram әлеуметтік желілерінде күніне 30 минуттан 50 минутқа дейін уақыт өткізетін жастарға арналады. Сонымен қатар, компания өкілдері бұл қосымшаға әлеуметтік желілердегі кейбір функциялардың қосылатынын айтты. 

Айта кетейік, Apple компаниясының жаңа қосымшасы автоматты түрде камераға қосымша ретінде немесе оны AppStore қызмет көрсету жүйесінде жүктеп алуға болады. Компания қызметкерлерінің айтуынша, әлеуметтік желіде видеороликтер Instagram желісіндегідей шаршы формасында қолданылатын болады. 

2017 жылы шығады деп жоспарланған бағдарламаны дайындауға Final Cut Pro пен iMovie бағдарламасын жасаған команда да қатысып жатыр екен.

Дереккөз: tengrinews.kz