Metacritic сервисі 2018 жылдың бірінші жартыжылдығы, яғни 6 айдың қорытындысы бойынша ең үздік ойындар тізімін жариялады. Рейтингке тұтынушылар арасында жоғары бағаланған түрлі ойындар кірген. Сонымен қатар, бұл рейтингті дайындаудағы басты ерекшелік, әлем бойынша бірнеше миллион рет жүктелген ойындарды журналистер бағалаған. Metacritic талабы бойынша, ұсынылған ойын кәсіби журналистерден кемінде 7 ұпай жинаған жағдайда ғана байқауға қатысуға мүмкіндік алады. Осы және өзге талаптар бойынша үздік шыққандардың арасынан PlayStation 4 God of War ойыны бірінші сатыдан көрінген. Бұл ойын барлығы 94 ұпай жинаған. Тізімдегі екінші орыннан 92 ұпаймен Celeste ойыны көрінді. Үздік үштікке 90 ұпай жинаған Monster Hunter: World жайғасты. Одан кейінгі кезекте Into the Breach (89 ұпай), Pillars of Eternity II: Deadfire (88 ұпай), Subnautica (87 ұпай), Dragon Ball FighterZ (87 ұпай), DJMax Respect (85 ұпай), Full Metal Furies (85 ұпай) және Ni no Kuni II: Revenant Kingdom (85 ұпай) ойындары үздік ондыққа кірді.