Калифорния университеті және Йель университетінің ғалымдары әлеуметтік желілердің адамдар денсаулығына қалай әсер ететіндігіне зерттеу өткізді. Олардың мәлімдеуінше, Facebook желісінде адамдарда неғұрлым дос көп болса, ондай адамдар арасында қатарластарына қарағанда өлім-жітім аз болады екен.
Сарапшылар желіні жиі пайдаланатын 12 миллион америкалықтардың денсаулығы туралы ресми мәліметтерді салыстырған. Facebook-ті шектеулі пайдаланып, Интернеттен тыс қарым-қатынасқа түсетіндердің өмірі ұзағырақ болады. Ал әлеуметтік желіде мүлде отырмайтындар және желіні белсенді пайдаланатындар да жиірек құрдастарымен қатар көз жұматын көрінеді. Сонымен бірге, статистика бойынша достыққа ұсынысты қабылдау, өз тарапынан ұсыныс жасауға қарағанда денсаулыққа пайдалырақ болып шықты.
Зерттеу 1945 және 1989 жылдар аралығында туған адамдарға қатысты жүргізілген. Бұл әлеуметтік желіде тіркелу жылы өздігінен 1990 жылдан басталатындықтан жасалған.
Өмірден өтіп кеткен пайдаланушылардың Желідегі әрекеті мен олардың өлім себебі және көзі тірі адамдардың әрекеті денсаулық жағдайымен сарапқа салынды. Осы арқылы достыққа ұсынысты көп қабылдап, суреттерден гөрі жиірек статустар жариялайтындардың өмірі ұзағырақ болып шықты. Ал өз тарапынан достыққа ұсыныс беру, жиі хабар алмасу және лайктардың көп болуы өмір жастың ұзақ болуымен байланыспады. Бұндай белсенділік Ғаламтордан тыс қарым-қатынастың аздығын білдіреді екен.
Дереккөз: tengrinews.kz