Ғ.Мүсірепов атындағы Қазақ мемлекеттік академиялық балалар мен жасөспірімдер театры үстіміздегі жылдың қазан айында құрылғанына 70 жыл толу мерейтойын атап өтпек.
Осыған орай мерейтойлық іс-шаралар аясында: 2015 жылдың 1 ақпаны мен 10 қазаны аралығында республикалық және аймақтық БАҚ беттерінде жарияланатын театрға қатысты жаңадан жазылған мақалалар (эссе, очерк, т.б.) мен сараптамалық-танымдық туындылар – портрет, сұхбаттар, театр саңлақтары жайында естеліктер, т.б. жанрлардағы материалдарға «Мүсірепов театрына 70 жыл» атты жабық бәйге жариялайды.
Бәйгенің шарттары:
1. Бәйгеге республикалық электронды және өзге де БАҚ өкілдері қатыса алады.
2. «Ғ.Мүсірепов театрына – 70 жыл» белгісімен БАҚ беттерінде жарияланған материал ғана Байқауға қатыстырылады.
3. Театр тарапынан бекітілген Бәйге қорытындысын анықтайтын тарап жарияланған материал жөнінде хабардар болуы үшін бәйгеге қатысушы жақ teatr_musrepov@mail.ru электронды поштасы арқылы, газет бетінде жарық көрген материал жөнінде сілтеме жолдауы тиіс.
Байқау 2015 жылдың 15 қазанында Қазылар алқасының шешімі бойынша қорытындыланады.
Бәйге жүлдегерлері:
1. І орын – 200 000 (екі жүз мың) теңге;
2. ІІ орын – 150 000 (жүз елу мың) теңге;
3. ІІІ орын – 100 000 (жүз мың) теңге.
Жеңімпаздар ақшалай сыйлықпен және арнайы дипломмен марапатталады. Марапаттау рәсімі театрдың 70-ші маусымы ашылатын күні салтанатты түрде тапсырылатын болады.
Байланыс тел: 8 (727) 2 73 22 48.
Ұйымдастыру алқасы
Сурет: teatr-musrepov.kz