Халық қаһарманы Қасым Қайсеновтің жұбайы өмірден озды

Әйгілі партизан-жазушы, Халық қаһарманы Қасым Қайсеновтің жұбайы Асыл Қабышқызы Қайсенова 99 жасында дүниеден озды. Қаралы хабар партизан жазушы атындағы қауымдастықтың facebook парақшасында жарияланды.

- 25 қаңтар күні 99 жаста  Асыл Қабышқызы Қайсенова қайтыс болды. Аты аңызға айналған партизан, Халық қаһарманы Қасым Қайсеновтың әйелі. Біз Қайсеновтердің отбасы мен жақындарына көңіл айтамыз. Иманды болсын, - деп жазды.

Қасым Қайсенов - Қазақстан Республикасының Халық Қаһарманы, Қазақстан Жазушылар Одағының мүшесі, Ұлы Отан соғысының ардагері. 1918 жылы Шығыс Қазақстан облысында дүниеге келген. Қайсенов А. Фадеев атындағы Халықаралық сыйлықтың лауреаты, «Отан» орденімен, ІІ дәрежелі «Богдан Хмельницкий» орденімен, І және ІІ дәрежелі Отан соғысының екі орденімен, «Чехословакия партизаны «,  І дәрежелі «Отан соғысының партизаны» екі медалімен және Кеңес Одағының он бес басқа да медальдарымен, Қазақ КСР Жоғарғы Кеңесінің үш мәрте Құрмет грамотасымен, Украина КСР Жоғарғы Кеңесінің Құрмет грамотасымен, ІІ және ІІІ дәрежелі «Еңбегі үшін» ордендерімен марапатталған.

Қасым Қайсенов 2006 жылы 30 желтоқсанда 89 жасында көз жұмды.