10 сәуірдегі қызықты оқиғалар
![10 сәуірдегі қызықты оқиғалар](/userdata/news/news_51743/image_l.jpg)
Мейрамдар
Халықаралық қарсылық көрсету күні. (Екінші дүние жүзілік соғыс кезіндегі партизандар рухына арналған күн).
Құрылысшылар күні. (Әзірбайжан)
Одесса азат етілген күн. (Украина)
Оқиғалар
1710 жыл – Англияда «Анна ханшаның статусы» – авторлық құқық туралы заң алғаш рет қабылданды.
1722 жыл – Пётр I бұйрығымен Санкт-Петербургте ауа райын тұрақты бақылап отыратын тізім жасалды.
1741 жыл – Мольвиц соғысы. Австрия мұрасы үшін соғыстардағы бұл майданда Пруссия мен Австрия әскері соғысты. Көп шығындалған болса да, прусс армиясы жеңіп шықты.
1814 жыл – Гиссен университетінде 13 жасар Карл Виттеге ғылым докторы атағын береді. Содан бері бұл рекордты ешкім жаңарта алмай келеді.
1820 жыл – ағылшындар алғаш рет Алгоаға (Оңтүстік Африка) қоныстанды.
1841 жыл – «New York Tribune» газетінің алғашқы саны шықты.
1849 жыл – америкалық Уолтер Хант қауіпсіз түйреуіш үшін патент алды.
1912 жыл – Ұлыбританияның «Титаник» кемесі Саутгемптон портынан өзінің алғашқы һәм соңғы сапарына шықты.
1940 жыл – Исландия Даниядан бөлінді.
1944 жыл – Одесса азат етілді.
1963 жыл – АҚШ тың «Трешер» атом суасты кемесі батып кетті. Экипаждағының барлығы қаза табады.
1972 жыл – Бактериялық қаруды қолдануға тиым салу туралы халықаралық конференция ұйымдастырылды.
1979 жыл – Болгарияның алғашқы ғарышкері Георгий Иванов ғарышқа ұшты.
Туған күндер
1651 жыл – Эренфрид Вальтер фон Чирнхаус, неміс математигі, философ, өнертапқыш.
1727 жыл – Самуэль Гейнике, неміс педагогі, соқырлар мен сақауларды оқытудың әдістерін алғашқ ойлап тапқан.
1766 жыл – Джон Лесли, шотланд физигі, математигі, өнертапқышы. Алғаш рет жасанды мұз алу тәсілін ұсынған.
1810 жыл – Бенджамин Хенри Дай, америкалық журналист, «Нью-Йорк Сан» газетінің негізін қалаушы.
1838 жыл – Фрэнк Стивен Болдуин, америкалық өнертапқыш, арифмометр мен калкуляторды ойлап тапқан.
1847 жыл – Джозеф Пулитцер, америкалық журналист, баспа, журналистика саласында Пулитцер сыйлығының негізін қалаушы.
1952 жыл – Стивен Сигал, америкалық актер, продюсер, режиссёр, жекпе-жек өнерінің шебері.
1973 жыл – Роберто Карлос, бразилиялық футболшы.
Т. Раушанұлы